Është miratuar në nivel shtetëror në Amerikë, përdorimi i vaksinës Pfizer ndaj covid-19. Shpërndarja e saj ka nisur këtë të hënë në të 50 shtetet e saj, përfshi edhe Nju Jorkun, dhe vaksinimi pritet të nisë së shpejti.
Vaksina zhvilluar prej prodhuesit farmaceutik Pfizer me seli në Manhatan dhe kompanisë gjermane BioNtech, u autorizua për përdorim emergjence të premten në mbrëmje nga Autoriteti i Ushqimit dhe Barnave amerikane, duke i dhënë udhë kështu, përpjekes më të madhe të vaksinimit në historinë e Amerikës.
Rreth 2.9 milionë doza do shpërndahen këtë javë, për fazën e parë të vaksinimit, kurse 2.9 milion doza të tjera, do të mbahen për dozën e dytë, e cila do merret tri javë pas së parës.