Në konferencën e përbashkët pas Samitit të BE mbi anëtarësimin e vendeve të Ballkanit Perëndimor, kreu i qeverisë Rama cilësoi si fajtore për situatën e krijuar mes BE-së dhe anëtarësimit të këtij grupimi vendesh, vetë frymën e zgjerimit të BE-së, e cila në këndvështrimin e tij i jep dorë edhe Bullgarisë që të bëjë këtë që po bën, duke u kthyer në fakt në turpin e NATO-s. Rama e cilësoi Bullgarinë si fatkeqësi në këtë rast, dhe duke përdorur simbolikën e dy personazheve të dramës së famshme të Samuel Becketit Duke pritur Godonë, deklaroi që vendet e Ballkanit Perëndimor nuk do ta prisnin GOdonë dhe Ballkani i Hapur ishe një prej shenjave më të qarta të kësaj.
“Arsyeja nuk është thjesht Bullgaria, tha Rama në fjalën e tij. Bullgaria është një fatkeqësi, por nuk është vetëm ajo, por është fryma e deformuar e zgjerimit dhe Bullgaria është shprehja më e dukshme e saj. Pra fryma e zgjerimit ka kaluar nga vizioni i përbashkët, tek marrja peng nga shtetet individuale. Sa herë që ka dicka në një shtet anëtar, ky mjet bllokimi vihet në lëvizje.
Çështja e Bullgarisë është një turp! Një vend i NATO-s që merr peng vende të tjera të NATO-s, në një kohë që në oborr të Evropës bëhet luftë. Ndërkohë po ju them atë që ju thashë: Putin është sëmurë, mund të jetë mirë apo sëmurë, por edhe ky vendi kështu nuk duket shumë i shëndetshëm.
Agresioni rus kundër Ukrainës, tha Rama mes të tjerave, po merr kështu një ndihmë tejet bujare e të pa kërkuar, nga një vend i NATO-s Bullgaria, për të destabilizuar një tjetër vend të NATO-s,Maqedoninë e Veriut, dhe për të fryrë më tej mllefin e pakënaqësinë në një fqinjësi si e jona, që është një hallkë e dobët në të gjithë këtë situatë. Por me nuk do të presim Godonë, sigurisht. Mua më vjen kaq keq për ca njerëz optimistë, por jo, nuk erdha këtu me idenë që do të ndodhte diçka. Por pavarësisht kësaj, ne do të vazhdojmë të lëvizim. Nisma e Ballkanit të Hapur, është për ta bërë nismën e Berlinit konkrete…”, tha mes të tjerave Rama.
