Një anëtar i Kongresit Amerikan ka propozuar një amendament, që do t’i lejonte Donald Trump të zgjidhej për një mandat të tretë si president.
Andy Ogles, republikan i Tenesit, prezantoi një rezolutë të përbashkët, për të ndryshuar Amendamentin e 22-të, i cili aktualisht ndalon këdo të shërbejë më shumë se dy mandate si president.
Formulimi i ri do të lejonte një president të shërbejë tri mandate, për sa kohë që vetëm dy prej tyre janë të njëpasnjëshme.
Ogles e bëri të qartë se propozimi është projektuar posaçërisht për Trump: “Ky amendament do t’i lejonte Presidentit Trump të shërbejë tre mandate, duke siguruar që ne të mund të mbajmë udhëheqjen e guximshme që i nevojitet kaq shumë kombit tonë”, deklaroi ai.
