Avokati i Vangjush Dakos, Petrit Ismaili, ka dhënë një deklaratë për mediat pasi SPAK ka lëshuar urdhër-arresti për ish-kryebashkiakun e Durrësit.
Sipas tij akuzat që rëndojnë mbi Dakon janë “Shpërdorim detyre” për dy raste të ndryshme. Bëhet fjalë për një kallëzim nga disa banorë të një pallati që pretendojnë se ka pasur shkelje dhe një kallëzim të deputetit demokrat Ferdinad Xhaferri.
Më tej Dako ka thënë se Prokuroria e Posaçme nuk po mban dot ekuilibër e ndodhur nën trysninë mediatike dhe nën ndikimin e ndërkombëtarëve.
“Sapo u ekzekutua vendimi i gjykatës së shkallës së parë që vendosi arrest me burg për Dakon. Akuzat, është një, për shpërdorim detyre në dy raste, një kallëzim nga disa banorë të një pallati që pretendojnë se ka pasur shkelje, dhe një në prag të zgjedhjeve të 2021, nga Ferdinad Xhaferri.
Kam qenë në brendësi të çështjes për akuzën e parë. Paraprakisht deklaroj se Prokuroria e Posaçme nuk po mban dot ekuilibër nën trysnin mediatike, apo ndërkombëtarëve dhe po merr masa për mendimin tim të nxituara”, tha ai/Opinion.
