Kanë mësyrë Gjykatën familjarët e 8 vjecarit Mateo, i cili u vra barbarisht dy ditë më parë, nga fqinji i tij 38 vjecar, Klodian Calamani.
Teksa sot pritej gjykimi i Çalamanit, familjarët, përfshi dhe prindërit e vogëlushit, kanë mësyrë dyert e gjykatës, në përpjekje për të kërkuar shpagim për të voglin e tyre.
Në xhirimet e ofruara prej televizionit Fax, dëgjohet qartë e ëma që mes klithmave e lotëve thërret “Qen, dua drejtësi. Ma masakrove djalin”, ndërkohë që halla tij ka deklaruar përpara mediave se duan me patjetër varjen e tij.
Ia çoi bukën në shpi, ne e mbanim me bukë kriminelin, ai na bëri atë që s’e prisnin. Bënte sikur fliste në telefon, a e gjetët djalin. Djalin kush e di ku do na e kishte hedhur natën, s’do gjenim as kufomën. Varja, a nuk ka një dënim me varje. Në burg ai do jetë si hotel, me krevat, me ushqim, me dhomë. Ku futet në grop, ai engjëll, ai ishte një gonxhe e pa çelur, ai rritej dhe zbukurohej çdo ditë.
Të vijë një dorë e krimineli që të na marrë djalin, duam vetëm varje. Të çohet populli, se kemi dhimbje shumë të madhe, na qan zemra, se lotët na janë thanë, vetëm të hyni në zemrat tona. Rama del dhe thotë nuk ka ligj me varje, po pse mo kryeministër, sot e bëri me ne, nesër dikur tjetër. pse të lëndohemi ne, pse. I vari Sali Berisha dy, ishte shembull. Ky është shembulli, edhe vëllai im të jetë, le të varet në mes të Fierit.
Për hir të situatës së tensionuar, forca të policisë kanë rrethuar gjykatën, teksa mendohet shtyrja e gjykimit të Çalamanit/
Familjarët dhe të afërmit e djaloshit, janë shprehur se do të rrinë aty e ta presin, se një ditë, Çalamani do të dalë në gjykim.
