Ka bërë përshtypje në Foltoren e Pogradecit, aktivistja republikane amerikane Evi Kokakali, e cila, gjatë fjalës së saj, u ka bërë thirrje demokratëve ta mbajnë njërin sy nga Veliaj, për shkak se ai është kokë e këmbë njeriu i Soros-it, individ i cili synon cënimin e demokracisë në botë, e Shqipëri gjithashtu.
Në fjalën e saj Kokalari e vuri theksin tek shpallja e menjëherëshme e George Soros-it dhe birit të tij non grata, sapo Berisha të vijë në krye të qeverisë, duke mundësuar kështu daljen prej gardhit të sorosian, drejt një demokracie më pak të brishtë.
Në 11 dhjetor kryetari i ri do jetë Berisha, tha Kokalari, por unë dua ta shoh Sali Berishën kryeministër të Shqipërisë. Dhe ditën e parë që si kryeministër, Berisha, duhet të bëjë George Soros dhe të birin, persona non grata në Shqipëri. Dhe më vonë Kosova, që ka po të njëjtin problem si Shqipëria, duhet të bëjë të njëjtën gjë, të gjejë një mënyrë për të hequr qafe George Soros. George Soros ka 5 zyra në Ballkan, vetëm në Ballkan, në gjithë Europën pastaj ka vetëm dy zyra. Ka një fokus të tmerrshëm, në Shqipëri, në Kosovë, në Serbi dhe e ka dëmtuar demokracinë shqiptare për 30 vitet e fundit, dhe ka dëmtuar gjithashtu edhe demokracinë amerikane, jo vetëm shqiptare. Fakt është që Zoti Berisha është nga të paktët që ka dalë hapur, sidomos në 2017. Pamë një video ku Berisha flet hapur për ta bërë persona non grata, dhe gjatë kohës Lu ka qenë ambasador në Shqipëri dhe Trump ka qenë në shtëpinë e Bardhë, nuk e kanë luftuar dot Berishën, se nuk kishin fakte që ta luftonin. Kur gjërat ndryshuan dhe George Soros mori pak a shumë kontrollin e Departamentit të Shtetit, e konsideruan Berishën non grata. Për sa i takon George Soros, vërtet duhet t’i kushtojmë vëmendje dhe të tërë duhet të kuptojnë se kush është George Soros dhe se çfarë qëllimesh ka ai, jo vetëm në Ballkan, po në gjithë botën, se pa kuptuar atë nuk nuk kuptojmë se cili është armiku ynë. Dhe dua t’ju them që ndërkohë që të tërë janë duke u marrë me zotin Berisha, me çfarë po ndodh me PD-në, me Edi ramën, dua ta mbyll këtë, duke ju thënë vetëm një gjë: kini mendjen tek Erion Veliaj, që është kokë e këmbë njeriu i Soros-it. Edi Rama nesër pasnesër mund t’ju iki, dhe Erion Veliaj mund të jetë më i rrezikshëm se Rama, tha mes të tjerave Kokalari
