“Nga janari presim një relaksim të lëvizjeve mes vendeve”, deklaroi mes të tjerave kreu i qeverisë Rama, në konferencën e dhënë përpara gazetarëve mbi Ballkanin e Hapur.
Në deklaratat e tyre përpara gazetarëve, tri përfaqësuesit e Shqipërisë, Serbisë dhe Maqedonisë së Veriut, Rama, Vuciç dhe Dimitrov, u shprehën entuziastë për nismën, duke theksuar se ajo është jo vetëm në funskion të zhvillimit ekonimik, pasjen e një klime sa më pozitive në rajon, por edhe në dhënien e një imazhi për një Ballkan që di të bashkëpunojë e të zgjidhë problemet.
Patëm një takim me komunitetin e biznesit të tri vendeve tona, u shpreh kryeministri serb Vucic. Pamë se të gjithë njerëzit e këtij komuniteti janë dakord me këtë projekt, por ajo që është dëshpëruese, është që ne nuk mund t’ua zbatojmë menjëherë, por në të ardhmen. Për 1 vit-1 vit e gjysmë, njerëzit të lëvzin lirshëm, që askush të mos ndalojë askënd. Nuk po hyjmë në gjëra politike, por po përpiqemi thjesht që qytetarët tanë të rrojnë më mirë. Kemi vonesa të jashtëzakonshme që i diskutuam dhe që do përpiqemi t’i zgjidhim, si reciprociteti i pronave të patundshme. Besoj se për samitin e Tiranës, do të nënshkruajmë atë që duhet të nënshkruajmë, memorandumin për fuqinë e punës, se e vetmja gjë për t’i mbajtur njerëit në rajon, është që ata të punojnë kudo në rajon. Jam i dëshpëruar kur nuk realizohen të gjitha ato që ne flasim në nivel politik, sepse kjo u takon qytetarëve, i takon zhvillimit të bizneseve.
Kreu i qeverisë shqiptare Rama, theksoi se fokusi i takimit qe tek njerëzit, tek akademikët, studentët, tregtarët, që janë edhe përfituesit realë sipas tij të Ballkanit të Hapur, e se në janar të 2022 shpresonte të ndihej një relaksim sa u takonte lëvizjeve pa burokraci në Ballkan
I gjithë fokusi qe tek njerëzit, tek kompanitë e biznesit, tek akademikët e studentët që janë edhe përfituesit realë të Ballkanit të Hapur, tha Rama, e që secili në mënyrën e vetë vuajnë kufijtë, barrën e inspektimeve e kontrolleve. Më vjen shumë mirë që jemi fokusuar aty ku është edhe thelbi i kësaj nisme, që është si të zgjerojmë ekonomitë tona, tregjet tona, që mbeten të vogla në vetvete, por që nëse integrohen me njëra-tjetrën, kthehen në aktorë të rëndësishëm, jo vetëm për aktorët e tjerë të tregut, por edhe për invesitorët. Qe të thithim më shumë investitorë, duhet të kemi një hapësirë më të gjerë.
Më vjen mirë që sot na u dha mundësia të përballeshim direkte me distributorët dhe problemet e tyre reale dhe të gjithë njëzëri ata kërkuan që çka ne nënshkruajmë në nivelin politk, të kthehet në një realitet të prekshëm për ta, aty ku ata kanë problemet. Kemi eksportues të frutave, të qumështit, të cilat nuk mund të rrinë me ditë nëpër kufij, duke shtuar jo vetëm kostot, por edhe kostot negative mbi vetë produktet, se nuk mund sot, që të premten në darkë të arrish në kufi, dhe të presësh të hënën për të çuar qumështin, se i bie të bëhet kos, apo për të çuar produktet nga Konispoli deri në Serbi, nga arra në treg, duke i kaluar në për në treg, apo 3 javë për të pritur konfirmimin nga agjencia e një vendi tjetër, për produktet që vijnë nga një vend tjetër. Jemi duke pritur rezultatet e një sudimi të përgjithshëm që do të ekzpozohet në Tiranë, mbi përfitimet ekonomike që do të kenë të gjashta vendet, jo të trija vendet, nga Ballkani i Hapur.
Në dhjetor jemi përgatitur të japim reultate konkrete dhe nga janari të nisë një relaksim i ndjeshëm për distributorët dhe fermerët, përfundoi Rama.
Ndërkaq, Nikola Dimitrov i Maqedonisë së Veriut, theksoi se sa më shumë vendet e Ballkanit të bashkëpunonin me njëra-tjetrën, aq më shpejt do të bindej edhe BE për t’i pranuar në gjirin e saj.
Sa më shumë të bashkëpunojmë, tha ai, aq më shumë do ta bindim BE se ne nuk jemi një rajon që krijon probleme, por një rajon që ofron zgjedhje, tha mes të tjerave ai.
