Gjatë një interviste dhënë ditën e mërkurë në javën e “Russian Energy Week” që mbahet çdo vit në Moskë, presidenti rus Vladimir Putin ka deklaruar se Rusia nuk po e përdor gazin si armë nënshtrimi në krizën energjitike që po tremb Evropën, e se madje është gati ta ndihmojë rajonin, nëse kjo krizë vazhdon.
Nuk po përdorim asnjë armë, u shpreh Putin gjatë intervistës. Madje, edhe gjatë periudhave më të vështira të Luftës së Ftohtë, Rusia i ka plotësuar rregullisht detyrimet e veta kontraktuale dhe e ka furnizuar me gaz Evropën.
Teksa i quajti akuza të tilla ndaj tij, si akuza të motivuara politikisht, që nuk bazohen asgjëkundi, Putin tha se Rusia qe duke i shtuar furnizimet e veta në Evropë.
Europa, tha Putin, nuk ka pse të përpiqet t’úa delegojë fajin të tjerëve për krizën energjitike në rajon. Vendet europiane nuk kanë bërë aq sa duhet, për të krijuar rezervat e gazit në verë. Çmimet në të larta në Evropë, janë pasojë e një defiçiti energjie e jo e kundërta, dhe pikërisht për këtë nuk duhet të përpiqemi ta zhvendosim fajin, sië partnerët tanë po përpiqen të bëjnë. Tregu i gazit evropian nuk duket i mirëbalancuar e i parashikueshëm dhe jo gjithcka në këtë treg varet nga prodhuesit, por edhe nga roli që luajnë konsumatorët e gazit. Gjithësesi, Rusia, vazhdoi Putin, është gati t’i përmbushë detyrimet e veta kontraktuale dhe të diskutojë e ndërmarrë edhe veprime të tjera me partnerët evropianë, pavarësisht se deri më tani i ka shtuar me 15% furnizimet e gazit në Evropë.
Putin shtoi gjithashtu se veç mungesës së gazit në Evropë, shkaktare të kësaj krize energjitike që kërcënon rajonin është edhe mungesa së prodhimit të energjisë së rinovueshme këtë verë në të, e po ashtu edhe pakësimi i furnizimeve nga partnerët e tjerë, përfshi dhe Shtetet e Bashkuara.
Shikoni, tha Putin, problemi nuk qëndron tek ne, por në pjesën evropiane, sepse, në radhë të parë, dimë që parqet eolike nuk funksionuan gjatë verës për shkak të motit, e dinë të gjithë. Veç kësaj, europianët nuk pompuan mjaftueshëm gaz në impiantet e tyre të nëndheshme të gazit… po ashtu, furnizimet e Evropës u pakësuan edhe nga vende të tjera të botës. Ne i kemi shtuar furnizimet tona, por të tjerët, përfshi edhe Shtetet e Bashkuara, i kanë pakësuar furnizimet e tyre, dhe ky është shkaku i panikut. Rusia, tha ai, mund të furnizojë më, por duhet të na i kërkojnë, që ta bëjmë.
Ekspertët thonë se i Rusia ka pakësuar furnizimet e gazit në Evropë, në përpjekje për t’i bërë presion Gjermanisë, për të përshpejtuar çertifikimin e gazsjellësit “Nord Stream 2”, përfunduar tashmë, i cili do të shtojë furnizimet e Evropës me gaz përmes Detit Baltik.
Ky gazsjellës është përballur gjithashtu me në një sërë kritikësh, përfshi Shtetet e Bashkuara, Evropën Lindore, Poloninë dhe Ukrainën, të cilët mbështesin idenl se ai rrit varësinë e Evropës nga furnizimet energjitike ruse, dhe e dobëson rajonin, në pikëpamje të sigurisë energjitike.
