Pas mbledhjes së qeverisë zhvilluar ditën e sotme, kreu i qeverisë Rama ka ka dalë në një deklaratë për mediat, duke sqaruar qasjen që do të ketë qeveria ndaj krizës energjitike në prag.
Sipas Ramës, qeveria që ai drejton do marrë masat e duhura për mbrojtjen e konsumatorit familjar dhe biznesit të vogël, por nuk do të rrafshojë buxhetin siç sugjeron sipas tij opozita
Ekspertët mendojnë se kriza do të jetë prezente me pikun e saj deri në mesin e vitit të ardhshëm, tha Rama dhe njëkohësisht mendojnë se edhe pas kapërcimit të kulmit, çmimet nuk do të mbeten aty ku ishin para nisjes së saj. Ajo që na takon, është që ne të mbrojmë konsumatorët tanë, me një rend prioritetesh nga poshtë-lartë, duke parasysh ata që janë më në nevojë, duke shkuar lart tek biznesi i vogël e më lart, pra rendi është nga më i dobëti tek më i forti. Broçkullat që Shqipëria ka ujë, prodhon energji vetë, naftën vet, po kjo situatë vjen ngaqë këtu bëhet-bëhet, nuk janë të vërteta… Shqipëria nuk e prodhon vetë energjinë, ky është fakt. Natyrisht që e shet, kur ka rreshje me tepëri ka dy rrugë, o ta derdhë, ose ta shesë, dhe jo ta derdhë, por të përmbysë vendin. Natyrsht, kur ka rreshje, çmimi është i ulet. Shqipëra e blen energjinë kur ka thatësirë, sepse një ekonomi që varet nga Zoti pra nga rreshjet, ka te mirën dhe te keqen e vet, se kur, e shet me lirë. Dhe çmimet në treg nuk i vendos Shqipëria, i vendos kërkesa dhe oferta. Tregu nuk të pyet a je Shqiperi, apo je Gjermani.
Për çmimet e tjera, vazhdoi Rama, të jeni të qartë, ne e kemi zgjedhur këtë sistem 30 vjet më përpara. Po të shihni çmimin e bukës, ka ardhur duke u rritur. Nuk do prodhohej bukë, po të mos blinte njeri. Dhe nuk funksionon meqë rriten çmimet rritni rrogat. Rrogat nuk rriten se dua unë. Po kjo është njësoj si të ë thuash në shtëpinë e vogël, pse nuk i rrit ti paratë që i jep femijëve, po ku ti gjej? Nga puna, ose do marrësh borxh. Nese ti merr borxh me shumë, do jesh i detyruar të sheshes shtëpinë pastaj. Rrogat rriten sipas kapaciteteve ekonomike të vendit. Thënë kjo, ne nuk do t’i shmangemi zotimeve që ke kemi marrë. Në janar të 2021, rroga bazë do bëhet 320 e njëzet mijë lekë, siç kemi thënë, tha mes të tjerave Rama, pasi argumentoi edhe se heqja e tvsh-së apo ulja e saj, siç ka propozuar opozita, nuk ndihmojnë për gjë.
