Krerët e Bashkimit Evropian janë mbledhur në ditën e sotme në Samitin e Sllovenisë, për të diskutuar edhe një herë mbi anëtarësimin e vendeve të Ballkanit Perëndimor në BE.
Tashmë këto vende po bëjnë thuajse dhjetë vjet që janë shpallur kandidate për të qenë anëtare të Bashkimit Evropian, anëtarësim i cili nuk ka ndodhur për motive të ndryshme, përfshi mosplotësimin e kushteve të vëna nga BE-së, apo vetot e vendeve anëtare aktualisht në BE, ndaj vendeve të Ballkanit Perëndimor, siç qe rasti i fundit i Bullgarisë ndaj Maqedonisë së Veriut, që penalizoi edhe vendet e tjera.
Në hyrje të takimit të sotëm, kreu i qeverisë Rama u pa krahë kryeministrit hollandez Mark Rutte, presidentit francez Macron, e po ashtu edhe ndaj hungarezit Victor Orban.
Ndërkaq presidenti serb Vuçiç, kishte zgjedhur të qëndronte më pranë Presidentes së Komisionit Europian Urusula Von Der Leyen, e cila pak ditë më parë, kreu një tur në vendet e Ballkanit Perëndimor, duke shprehur qartazi dhe hapur mbështetjen e saj ndaj anëtarësimit të këtyre vendeve në BE.
Samiti i Sllovenisë mbahet në një kontekst krize energjitike botërore, ku Europa duket edhe më e përfshirë. Një prej elementëve që mund të nxisë anëtarësisimin e Ballkanit Perëndimor në BE, është edhe frika e zgjerimit në këtë rajon, të fuqive të tjera botërore, si Kina apo Rusia.
