Është hapur sot pika kufitare e Gramonit me Malin e Zi, në ceremoninë e së cilës morën pjesë kreu i qeverisë Rama dhe kreu i qeverise malazeze Zdravko Krivokapiq. Teksa falënderoi palën malazeze që përfundoi më në fund investimet në këtë pikë doganore, pasi pala shqiptare I kishte për funduar prej kohësh, Rama e vuri theksin tek lëvizja e lirë e njerëzve dhe mallërave në rajon.
Nuk mjafton të ndërtosh infrastukturë dinjitoze, tha Rama, nëse të bashku nuk i heqim të gjitha barrierat jo tarifore dhe nëse së bashku ne nuk e bëjmë kalimin e qytatërve, pa humbur asnjë minutë në pritje të identifikimit të dokumenteve. Sërish, edhe pse kjo pikë është e standarteve evropiane, kamioneve u duhet të presin për të kaluar e madje u duhet të bëjnë edhe nga dy kontrolle, gjë që nuk shkon. Ne na duhet të angazhohemi për udhën që lidh Velipojën me Shtojin, dhe unë nuk e kuptoj se si ne do të ndërtojnë një urë që është turistike, e sërisht do kemi doganë. Unë shpresoj që me ndërtimin e urës, të bien të gjitha pengesat doganore tarifore, dhe ajo urë të jetë përbashkuese, se pikërisht kjo ndodh në BE: ku ka ura, nuk ka barriera, nuk ka pika kontrolli, pra nuk po shpikim asgjë të re, por thjesht të zbatojmë 4 pikat që zbatohen në BE: lëvizjen e lirë të njerëzve, lëvizjen e lirë të mallërave, të kapiteleve, e të shërbimeve. Ky është dhe qëllimi i nismës që ne kemi ndërmarrë në kuadër të procesit të Berlinit, së bashku me presindetin e Serbisë dhe kryeministrin e Maqedonisë së Veriut, që është një nismë gjithpërfshirëse dhe jo përjashtuese, që është një nismë që synon pikërisht këtë, që në të gjitha ventet e rajonit tonë, përfshirë Malin e Zi, Kosoven, Bosnjën, njerëzit te ndihen të lirë, të lëvizin të lirë dhe të gjithë sipërmarrësit, të ndihen me të njëjtin dinjitet siç ndihen sipërmarrësit evropianë kur lëvizin brenda përbrenda BE-së. E nëse për të hyrë në BE u duhet të presin, nuk kanë pse presin edhe këtu për të hyrën nga një vend në tjetrin, përfundoi kreu i qeverisë.
