Ka reaguar për herë të parë pas shpalljes fitues të Lulëzim Bashës me mbi 80 përqind të votave, Fatbardh Kadilli, një prej kandidatëve në garë për kryetar të PD-së.
Në fjalën e tij Kadilli tha që ishte krenar që kishte mundur t’u jepte demokratëve mundësinë e zgjedhjes, e se tani, asnjë prej demokratëve nuk mund të ankohej se nuk pati kë të zgjidhte në krye të partisë.
Sot, asnjë demokrat nuk mund të thotë se nuk kishte zgjedhje tjetër, tha Kadilli në fjalën e tij. Nuk jam këtu për t’u ankuar, për atë flasin më mirë ato që keni parë vetë, me pabarazi mjetesh, pabarazi burimesh nejrëzore, babarazi burimesh financiare dhe sidomos kohë shumë të shkurtër . Patë një kryetar që nuk lëshoi zyrën dhe shfrytëzoi administratën e partisë, patë deputetë që nuk mbajtën distancën e duhur dhe nuk respektuan standartin e kërkuar prej kryesisë, patë të zvogëlohej lista e anëtarëve nga 100 mijë në 70 mijë, patë demokratë, figura publike që nuk gjenin emra në listë, patë edhe fenomente të tjera të papranueshme. E tëra kjo, tha Kadilli, nuk na bën nder. Tregon që jemi të paftë për të marrë përgjegjësi.
