Teksa dje zhvillohej gara për kryetarin e Partisë Demokratike, veç kandidatëve dhe disa prej personaliteteve të PD-së, nuk kanë qenë të paktë as ata demokratë të thjeshtë që kanë debatuar nëpër rrjetet sociale lidhur me manipulimin e zgjedhjeve të brendshme në PD.
Disa prej rasteve kanë qenë edhe ato në ëall-in e Jorida Tabakut, një prej anëtarëve më në zë të Kryesisë së PD-së, ku mjaft demokratë nuk janë kursyer në shprehjen e dyshimeve për parregullësitë e procesit e po ashtu edhe të manipulimit të garës prej kreut aktual të PD-së.
Për t’u shprehur jeni në rregull. Por zgjedhjet në PD janë si zgjedhjet e Enverit me 99. 99 përqind fitonte Enveri. Nqfs vota është e fshehtë, pse gjithë kupola drejtuese deklarune përpara votën për Bashën. Shumë demokrat nuk gjejnë emrin në listë. Komisjoneret ose vezhguesit e kandidatve të tjerë nuk lejohen të jenë prezent.
Zoti do ju dënojë për shkatrrimin që po i bëni PDs, shkruan njëra syresh.
Regjimit ia keni plotësu kushtet, në qoftë se nuk ke demokraci brenda vetes, si mund të besojnë të tjerët, duhet lider i ri që të jetë i besueshëm. Kemi një shprehje, unë për ty, e ti për vete! shkruan dikush tjetër.
Nëse dhe këto zgjedhje që po bëhen sot në PD për lidershipin e ri, i fiton përseri Basha, atëherë ta garantoj unë që ishin të manipuluara me 1000%. Shpresoj që mos të fitojë Basha këtë herë, pasi po fitoi, mbajeni Ramën me shëndet në pushtet dhe për 50 vjet të tjera. Dhe me vjen çudi, se si e mbështet ti dhe gjithë kolegët e tjerë Bashën, kur ai humbi radhazi për 4 herë, dhe se kuptoj përse s’i dilni kundra dhe t’i kërkoni llogari dhe dorëheqje, por vazhdoni e mbështesni akoma, vazhdon një tjetër.
