Në një fjalim të zjarrtë përpara shijaksve, kreu i PD-së Lulëzim Basha u ka bërë thirrje atyre të votojnë atë dhe ndryshimin, në mënyrë që Shijaku të ngrejë sërish kokën, duke u kthyer në qendër të gjallërishme si dikur, ku nënat shijakse nuk qajnë më për bijtë e larguar.
Kjo qendër që ka bërë histori në themelimin e kombit shqiptar, tha Basha për Shijakun dhe shijaksit, në themelimin e shteti shqiptar, ta ngrejë përsëri kokën, me krenarinë e punës dhe të nderit që karakterizon familjet dhe familjarët e Shijakut. Kam një mesazh të veçantë për nënat e Shijakut, për ato që bëjnë një sakrificë të dyfishtë në dy punësimin e përditshëm, bujqësinë dhe papunësinë, dhe përkushtimin ndaj fëmijëve. Fshijini lotët nga sytë tuaj, fëmijët tuaj nuk do largohen më nga Shijaku! Rinia e Shijakut do t’i ketë mundësitë për të qendruar dhe punuar në këtë vend të bekuar nga Zoti. Sepse kjo qeveri nesër nuk do të jetë më, sepse qeveria nuk do jetë e një njeriu që ju premton dhe ju braktis, por do jetë e të gjithë shqiptarëve.
Nuk ka çlirim pa larguar Edi Ramën, vazhdoi Basha. E shikoni si jargavitet, duket kërkuar, tani që e ka kuptuar se shumica e shqiptarëve duan ndryshim, të bëhet pjesë e qeverisjes e Aleancës për Ndryshim? Prerë dhe qartë! Edi Rama, koha jote ka mbaruar!, përfundoi Basha mes brohorimave të mbështetësve të tij.
