Ka reaguar mbi listat e PS-së me patronazhistë, edhe kreu i LZHK-së Dashamir Shehi, i cili, në një lidhje direkte nga fejsbuku i tij, është shprehur se kjo është së pari një shkelje ligji, e dyta një cënim i demokracisë, duke na treguar, e treta, se Ramës i ka hyrë frika në palcë nga humbja.
Duhet ta marrim ca në analizë, se kjo i kapërcen zgjedhjet, tha Dashamir Sheshi. Është më e rëndë. Kjo është si Big Brother. Është si të na vënë një kamer tek kuzhina, tek dhoma e gjumit ta dinë çfarë flasim, kush jemi. Një herë është shkelje shumë e rëndë. Me këtë duhet të merren hetues e prokurorë, pavarësisht se po ta shikoni aty shumë nga këta prokurorët që duhet të bëjnë këtë punë, në atë identifikimin e patronazhit që i ka bërë PS aty , i klasifikon të vetët. I ka konsideruar me PO. Se për fat të keq në atë listë qenë dhe emrat e tyre, e që partia që i ka çuar në ato zyra i quan dhe të vetët. Kjo është një rrezik i madh, e turp i madh, dhe një dështim i madh.
E para është një shkelje ligji, e dyta një amoralitet që s’është bërë herë tjetër, një rrezik i madh për demokracinë, se nëse kjo punë intensifikohet, këtu s’ka më jetë private. Sigurisht që njerëzit edhe tremben. Jo të gjtihë janë kurajoz për t’u përplas me kundershtarin politik, jo të gjithë i kanë mbyll hallet e veta. Ka njerëz që janë hallexhinj. Dikush do të legalizojë shtëpinë në fshat, dikush i ka plas themelet tërmeti, dikush ka halle të tjera të shkollimit a të punësimit, domethënë, përpara disa halleve, historia ka treguar që shqiptarët edhe e shesin votën. Është turp, s’është turp, pak rëndësi ka.
E përse merren këto? Merren se zotit Rama, bandës së tij, i ka hyrë frika finale, që këtu nuk ka më asnjë shpresë e duan të kontrollojnë çdo votë dhe kjo është një rrjet, një aparat që janë përzi këto institucione, që duhet të ruajnë votat e shqiptarëve, shqiptarë të tjerë që janë drejtorë të administratës e që e shpërndajnë këtë punë nëpërmjet zyrave të partisë, pastaj ato vullnetarët, disa nga dëshira, disa nga halli për të mbaru nai punë, dalin me listë në dorë pastaj, për t’i çertifikuar këto të dhëna, që janë apo s’janë të vërteta e si do të orientohen në zgjedhjet e ardhshme dhe për të identifukuar aty ku i ka kundërshtarët, si do të shkojë t’i dhunojë, si do shkojë t’i trembi, si do shkojë t’i blejë, t’i gënjejë, që unë gjykoj se për qytetin e Tiranës janë t’u e lodh kot, se humbja do jetë e tmerrshme domethenë…
