Flora Ndeca, Muhin Mezini dhe Armando Fezga, janë tri kontrollorët e mbajtur nën masën e arrestit sot, akuzuar për veprën penale “Për shpërdorim detyre”, për organizimin e bojkotit të fluturimeve në Rinas.
Policia ka zbardhur bisedat e tyre në whatsapp, prej nga rezulton se bllokimi fluturimeve në Rinas ka qenë me vetëdije dhe i qëllimshëm.
Sa më poshtë, procesverbali i plotë i policisë:
Me iniciativën e Policisë për shkak të gjendjes së ngutshme, sepse ai ka rrezik ikje dhe dyshohet për kryerjen e veprës penale të “Shpërdorim të detyrës” kryer në bashkëpunim, parashikuar nga neni 248-25 të Kodit Penal.
Më datë 07.04.2021, në sekretarinë e Prokurorisë pranë Gjykatës së Shkallës së Parë në Tiranë, është depozituar materiali kallëzues i dërguar nga Shoqëria Albcontrol me anë të së cilës janë kallëzuar penalisht Flora Ndreca, Muhin Mezini dhe Armando Fezga, si të dyshuar të kryerjen e veprës penale “Shpërdorim detyre”. Nga tërësia e hetimeve të kryera, si kqyrja e apararatit celular në posedim të shtetases Flora Ndreca, është konstatuar se kjo shtetase ka komunikuar nëpërmjet aplikacionit “whatsapp” me shtetasin Gersi Spaho, të cilit me datë 6 prill 2021, ora 21.12 i shkruan se “mua dhe Lolën na pushuan, se kemi dhënë dorëheqjen të gjithë, por shyqyr që u kujtuan të bëhen bashkë, e prekën fundin? Në datë 6 prill 2021, Muhin Mezini i ka dërguar Olsi Petrit nëpërmjet aplikacionit “whatsapp” foto të formularit të paaftësië së parakohshme të plotësuar në emrin e tij, ndërsa ky i fundit i është përgjigjur: “Në 12 aty jam”. Në datë 6 prill, Muhin Mezini i ka dërguar kontaktit të regjistruar me emrin Ezi, fotot të formularit të aftësisë së përkohshme, të plotësuar në emër të tij, ndërsa bashkëbiseduesi Ezi i përgjigjet “e mira është të shkruash më shkurt.”
Nga përmbajtja e bisedës së zhvilluar mes tyre në vijim, del se Mezini e orienton Ezin për mënyrën e përpilimit të formularit të paaftësisë së përkohshme, plotësuar në emrin e tij. Ndikimi i Muhin Mezinit, me detyrë mbikqyrës i kontrollorëve të trafikut ajror, provohet edhe nga deklarimet e Emiljano Majani, Erion Alibali dhe Erjan Kristafi. Gjithashtu, nga deklarimet provohet se Flora Ndreca, Armando Fezga dhe Muhin Mezini, në bashkëpunim me njëri-tjetrin, kanë ndikuar tek vartësit e tyre për të plotësuar formularin e paaftësisë së përkohshme për punë.
Pjesë nga dosja për Armando Fezgën:
Më datë 07.04.2021. në Sekretarinë e Prokurorisë së pranë Gjykatës së Shkallës së Parë Tiranë është depozituar materiali kallëzues i dërguar nga shoqëria Albcontrol Sh.A, me anë të së cilës janë kallëzuar penalisht shtetasit Flora Ndreca, Muhin Mezini dhe Armando Fezga si të dyshuar për veprën penale “Shpërdorimi i detyrës” kryer në bashkëpunim. Nga tërësia e veprimeve hetimore të tilla si kqyrja e aparatit celular në posedim nga shtertasit Armando Fezga është kontatuar se ky shtetas ka komunikuar nëpërmjet aplikacionit Ëhatsapp, me shtetasin Eldi Dervishi të cilit më datë 06.04.2021, ora 11:34, i shkruan “Nokut ja ka plotësu Lola gjërat dhe po pret turnin e dytë që ta nisi, turni i parë ACC e kanë gati, hë në fund do e nisin”. Më pas, në komunikimin në grup të datës 06.04.2021, ora 04:25, kontakti i regjistruar me emrin Hajredini i shkruan shtetasit Armando “Po unë them duhet të bëni dhe tokai, jo vetëm atë”, ndërsa kontakti Klesti shkruan “Mylle kullën”. Shtetasi Hajredin i përgjigjet “Se nuk pi ujë, guxim kam po jo deri këtu, se ato letra i djeg Maxi me çakmak prapa ndërmarrjes.”
Nga përmbajtja e bisedave të zhvilluara mes tyre nga shtetasi Armando Fezga me persona të ndryshëm rezulton se ky shtetas më datë 7 .04.2021 ka rezervuar gjithsej 25 dhoma dyshe për stafin e kontrollorëve të Albcontrol sh.a në Hotel Airport Tirana.
Gjithashtu nga deklarimet provohet se shtetasit Flora Ndreca, Armando Fezga dhe Muhin Mezini në bashkëpunim me njëri tjetrin, kanë ndikuar tek vartësit e tyre për të plotësuar formularin e paaftësisë së përkohshme në punë, me qëllim shmangien nga detyrimi ligjor, për të ushtruar detyrën e tyre funksionale në institucionin e rëndësisë së veçantë. Kryerja e këtyre veprimeve në datat 06.04.2021 dhe 07.04.2021, kanë sjellë pasoja, duke nxjerrë jashtë funksionit kullën dhe aeroportin “Nënë Tereza”, Tiranë, duke mos bërë të mundur uljen dhe ngritjen e avionëve. Këta shtetas me veprimet dhe mosveprimet e tyre, në bashkëpunim me njëri-tjetrin kanë sjellë pasoja të rënda në dëm të shtetasve (udhëtarëve) si dhe personit juridik.3
