Presidenti rus Vladimir Putin sapo ka firmosur një ligj që i jep zyrtarisht të drejtën të rrijë në postin e presidentit deri më 2036-n. Mandati aktual, i katërti presidencial gjithësej, i mbaron në 2024-n, vit kur presidenti rus nevojitet edhe të dorëhiqet. Por, Kushtetuta e riparë, të cilët rusët e votuan kombëtarisht vitin e shkuar, i lejon Putinit të kandidojë edhe për dy mandate të tjera presidenciale, prej 6 vitesh. Nëse do të zgjidhej të dyja herët, atëherë ai do të rrinte si president deri më 2036-n, duke ia kaluar kështu edhe Jozef Salinit si lideri më jetëgjatë në Rusi, që nga koha e Pjetrit të Madh.
68 vjeçari Putin firmosi të hënën një ligj që zeronte numrin e mandateve të kryera, duke i lejuar kështu vetes të rrijë edhe 20 vite të tjera në pushtet, deri në moshën 83 vjeçare.
E teksa kritikët e pushtetit kundërshtuan ndryshimet kushtetuese verën e shkuar, të cilat përmbanin masa ekonomike populiste dhe saknsiononin vlerat konservatore si pretekst për t’i lejuar Putinit të rrinte president për tërë jetën, vetë Putin është shprehur se nuk ka vendosur ende në do kandidojë apo jo, dhe se 2024-a është akoma larg.
