Në fjalën e tij “Rindërtimi nuk ndalet”, kryeministri Rama ka shpjeguar përballë audiencës se tashmë është i qetë kur i sheh në sy familjet e dëmtuara, se ata rronë sikur ne tashmë.
Jam i qetë kur i shoh në sy familjet e dëmtuara, tha ai, se rrojnë sikur ne tashmë , hiq 500 familje qe nuk duan të lëvizin nga vendet e tyre, por që u paguhet bonusi i qirasë. Mbase janë lodhur, por ma thoni, ku është ai ndërtues që e ndërton 1 pallat për 15 muaj, pra që nga ideimi, e deri në nisjen e punimeve?
Shumë thotë erdhën zgjedhjet prandaj po punoni, erdhën zgjedhjet, prandaj po testoni avionët në Kukës, erdhën zgjedhjet prandaj po bëhet porti i Durrësit, erdhën zgjedhjet prandaj… Jo jo, të gjitha këto që sot janë kantiere të hapura në Shqipëri, janë punë të nisura 2-3-4 -5 vite më parë. Ndërkohë që kantieret e rindërtimit jo që vetëm që nuk janë të vonuara, por janë me një ritëm që ne ndihemi absolutisht të qetë përpara të gjithë atyre që presin të kthehen në shtëpi. Një ritëm optimal.
Mos harroni, vazhdoi ai, që të mbërrinim deri në kantier, na është dashur të shqyrtonim një sërë dokumentasg pronësie, na është dashur të përputhim familjet e mbetura pa strehë me titujt e pronësisë, strehët e humbura me kurorat në to, dhe, mos harroni, që ne kemi futur edhe një komponent të strehimit të mirëfilltë, duke konsideruar se në çdo shtëpi ku kanë jetuar më parë më shumë se 1 kurora, 2,3,4, dhe shtëpia është dëmtuar, detyrimi për ne është të ndërtojmë shtëpi për çdonjërën nga kurorat.
