Teksa fliste me gazetarët në Zyrën Ovale – Presidenti i Shteteve të Bashkuara, Donald Trump, i pyetur nëse ka ndërmend të vendosë tarifa edhe për produktet e Bashkimit Evropian deklaroi se po: “A doni të vërtetën?”, tha ai. “Sigurisht që do ta bëj, Europa na ka trajtuar shumë keq”.
Ndërkaq, teksa në fuqi kanë hyrë taksat që Trump ka vebdosur ndaj Kinës, Kanadasë dhe Meksikës, edhe Europa ka reaguar duke sqaruar pozicionin e saj.
“BE do të qëndrojë besnike ndaj parimeve të saj dhe, nëse është e nevojshme, do të jetë e gatshme të mbrojë interesat e saj legjitime”, deklaroi një zëdhënës i Komisionit Evropian, duke kujtuar qëndrimet e shprehura ditët e fundit nga presidentja Ursula von der Leyen dhe komisioneri i BE-së në Tregtisë, Maros Sefcovic, duke nënvizuar kështu qëndrueshmërinë e Evropës ndaj masave të mundshme proteksioniste.
Por cilat janë marrëdhëniet tregtare të Evropës me Amerikën.
Në vitin 2023, sipas të dhënave të Eurostatit, të gjitha vendet UE kanë eksportuar 503,8 miliardë euro materiale në SHBA, dhe kanë importuar 347,1 miliardë.
Për Departamentin Amerikan të Tregtisë, kjo disbalancë është edhe më e madhe se kaq, e shkon deri në rreth 200 miliardë dollarë. Ndërkaq, Gjermania është vendi me sufiçitin më të madh, i cili lidhet me industrinë e saj automobilistike përtej oqeanit dhe kolosëve të saj kimikë, si Bayer apo Basfi. Pas Gjermanisë radhiten Italia me mjetet e saj automobilistike dhe mjeteve të tjera, e ndjekur pewj Irlandës, një prej gurëve të themelit në prodhimin e ilaçeve.
Ndryshe nga mallrat, bilanci i shërbimeve anon qartë në favor të Shteteve të Bashkuara. Ky tregues përfshin, në veçanti, shërbimet e transportit ajror ose detar, shërbimet e telekomunikacionit, konsulencën e biznesit ose financiare.
Në vitin 2023, sipas të dhënave të përkohshme të Eurostat-it, BE-ja regjistroi një deficit në bilancin e shërbimeve prej 104 miliardë euro.
Sipas përllogaritjeve të Departamentit Amerikan të Tregtisë, bilanci në favor të Shteteve të Bashkuara është pak më i ulët se vlerësimet evropiane, në 76.5 miliardë dollarë.
Ky çekuilibër në shërbime ushqehet nga deficiti në Irlandë, ku ndodhet selia evropiane e grupeve të mëdha dixhitale amerikane (Apple, Google ose Meta), të cilat paguajnë honorare dhe tarifa licencimi për kompanitë e tyre mëmë në Shtetet e Bashkuara.
Tregtia e shërbimeve BE-SHBA tregon, si me mallrat, një dinamikë në rritje. Sipas Eurostat, eksportet e shërbimeve të BE-së në Shtetet e Bashkuara u rritën midis 2012 dhe 2022, me përqindjen e tyre në total nga 18.5% në 22%.
Përqindja e importeve të shërbimeve të BE-së nga Shtetet e Bashkuara u rrit nga 24.6% në 34.3%
