Kreu i qeverisë Edi Rama ka dalë sot në konferencë për shtyp, në përpjekje për të sqaruar akuzat që deputeti i PD-së Gazmend Bardhi ka adresuar ndaj tij dhe vëllait të tij Olsi Rama.
Në fjalën e tij të gjatë, Rama theksoi të të gjitha ato që thotë Bardhi janë shpifje e se ashtu Ervin Salianji në rastin e Babales, do t’i duhej të jepte llogari deri më një për këto shqpifje.
Teksa përmendi me radhë të tëra akuzat që i janë bërë ndër vite në politikë, nga marrja e drogës, tek bashkëpunimi me krimin, apo marrja e përqindjeve për ndërtimet në Tiranë, duke i mohuar ato, Rama tha, se është i vetëdijshëm që të tëra këto bëhen si sulme ndaj tij, meqë kemi hyr në një vit zgjedhor.
Duke mos lënë pa përmendur as Berishën, të cilin e cilësoi si “katrani i madh”, Rama i ftoi shqiptarët të bënin zgjidhjen e duhur më 11 maj, kur të hidhnin votën në kutinë e votimit.
