Nuk është se presim gjëra ndryshe këtë vit, derisa të kompletohet ky cikël, për të kaluar në një fazë tjetër, me ndryshime thelbësore, totalisht ndryshe, edhe në formatim, edhe në perceptim, edhe në një brez tjetër konceptimesh e funksionimesh. GJithësesi, ky cikël ka nisur në 2008-n në pranverë, dhe përfundon ekzaktësisht në 20 të nëntorit të vitit që vjen.
Do të merrmi gjatë në fakt me atë çfarë presim në të nesërmen e afërt, që nga data 22 e janarit deri në fundin e gushtit, duke qenë se Plutoni në datën 22 të janarit ndryshon familje dhe shkon tek Ujori, duke pasur lëvizje në të drejtë deri nga gushti kur do të kthehet në të kundërt, do të kthehet diku nga tetori tek Bricjapi, por duke prekur shumë-shumë pak, se në 20 të nëntorit ikën përfundimisht. Teorikisht, nënkuptohet që Plutoni, ndikimin e vet tek Bricjapët e ka duke përfshirë çështje që i përkisnin ekonomisë, pushtetit, ekzibicionizmit, eksperimentimit, fazave të ndrysme që kemi kaluar me fjalën pushtet, ky Pluton tek Bricjapi, që ia pamë të gjitha format e ndryshme, derisa të marrë një formë të qartë, duke u mbyllur në fakt me transformimin e kësaj faze e me një tjetër mënyre menaxhimi të çështjeve politike sociale dhe ekonomike në botë.
Kemi gjithashtu të përfshirë brenda këtij cikli, dhe ka një koherencë domethënë në këtë vendosje planetare, duke qenë që edhe Urani tek Demat, që nga 2018-a, po përsëri në pranverë, do të riformatojë ato që ka për të ndryshuar e për të lënë në sipërfaqe, ekzaktësisht në pranverën e 2025-s. Pra mbylljen e dy gjigandëve shumë të fortë, njëri i dritës dhe i ndryshimit gjithmonë për mirë, pra Urani, pavarësisht se lidhet me faktorin e të papriturës, me transformimet, është një masë, por në dimension shumë të madh. Pra, ndryshimin, revolucionin, luftën, intensitetin e vendosjes së gjerave në vijë të drejtë e ka shumë më të fortë se sa Marsi, e duke përfshirë edhe Plutonin, na japin formë dhe kemi zyrtarisht nisjen e asaj faze të re, por që për këtë do të flasim shpesh gjatë fundit të 2024-s, deri në fund të 2025-s. Ajo që është e rëndësishme, është se do të kthjellohemi e do të ndërgjegjësohemi, se çfarë është e rëndësishme në jetë. Kjo mund të marrë edhe një dimension disi të ekzagjeruar në pranverë, duke e shtuar më shumë se ç’duhet dozën e filozofisë spirituale apo fetare, në ato rivendosjet e besimet, por edhe me këtë do t’i qartësojmë gjërat nga maji i 2025-s-mars 2026-s. Pra, duke dashur të qëndrojmë drejt e mbi këmbët tona, e mbi boshtin tonë moral, ne mund ta ekzagjerojmë me çfarë do kapemi filozofikisht apo nga pjesa e perceptimit apo çfarë nuk duket, e kjo mund të bëjë që të kalojë edhe në abuzim, shumë ndjeshëm në fakt, sidomos 6 mujorin e dytë të 2024-s. Pra me këtë pjesën e metafizikës, astrologët do duken sikur do të mbijnë nga të gjitha anët e format, organizimet fetare, jo ato konvencionalet që njohim, por do të dalin lloj-lloj grupimesh, që nuk do na lënë ndonjë shije të mirë, por që shpresojmë që njerëzit të jenë të kthellët mjaftueshëm për të kuptuar që jeta është kjo: do të duhet të bëjmë më të mirën, për t’i marrë më të mirën. Ne jemi në shërbim të evolimit, e para e punës, duhet të bëjmë më të mirën, për të dhënë më të mirën tek fëmijët, për të krijuar një habitat shumë më të sigurt nga c’e kemi pasur ne. Pra cfarëdo filozofie a perceptimit të na ofrohet, nuk duhet të humbasim kontaktin me Unin, me fuqine e shpirtit dhe me vullnetin. Vullneti i lire është ai që përcakton jetën tonë. Dhe këtë e them me të madhe në fakt, do ta përsëris shpesh në pranverë, sepse realisht do të dëgjohen, jo kaq tek ne, por në botë, do të dëgjohen grupime të ndryshme, të cilat janë më tepër si për t’u kapur, dhe kjo do të nxitet shumë edhe nga Saturni tek Peshqit, që do të vendoset për mirë se do të jetë në qendër dhe do të interferojë pothuajse tek të gjithë në qendër të vetes.
Pra kjo është nga hyrjet e rëndësishme të 2024-s, vendosja e Saturnit tek Peshqit, dhe në pranverë që do të jetë edhe Saturni, në Prill do të kemi edhe Marsin, edhe Venusin aty, do të kemi edhe vendosje të tjera, sepse kemi një moment të rëndësishëm, i cili shënohet nga 15 marsi-deri në mesin e majit, dhe një moment goxha të fortë në fundin e qershorit, duke arritur një ekstrem në fakt në mesin e korrikut, kështu që do ta ndjejmë në fakt zëra të fuqishëm, që do të diskutohen për gjatë dhe do të ngjyrosin vitin.
Kemi një gjë tjetër që është interesante, që është kalimi i Jupiterit në të drejtë në fakt tek Demat. Pjesën e parë deri në mes të majit do ta kemi Jupiterin tek Demi, në hyrje me Uranin, që është një hyrje shumë e fortë, pra ndryshimet, për ata që kanë hyrje pozitive, do të jenë shumë të forta, kurse në pjesën e dytë të vitit, duke vazhduar dhe 2025-n në fakt, do ta kemi Jupiterin tek Binjakët. Ky është lajm i gëzuar, se do kemi mundësinë që pothuajse të gjithë pa përjashtim, pavarësisht shenjës, të kenë mundësinë ta shfrytëzojnë këtë Jupiter, për gjëra të rëndësisshme e që i kanë thelbësore. Në pjesën e parë është një periudhë ku politika do të ketë transformime të mëdha, nga të cilat do të marrim një shije të vogël edhe pse do të nisi me shumë zhurmë në pjesën e parë, sepse kemi goxha të vështirë shkurtin dhe fillimin e marsit, por formën e vërtetë do ta marrim vesh tamam në maj 2025-mars 2026, por indiciet dhe pamjet do t’i kemi të qarta.
Lëvizje tjetër e rëndësishme është pjesa e ekonomisë, organizmi dhe mënyra e menaxhimit të ekonomisë. Kjo duhet marrë me seriozitet në fakt, por duhet diskutuar nga ekonomistët, dhe do të jetë tematikë qendrore përgjatë 2024-s, për arsye të ndryshimit të formës, që në vendin tonë, duke qenë se jemi ballkanas dhe e kemi shumë të rëndësishme këtë pjesën e lekut të xhepit, apo te lekut kesh, duhet të fillojmë avash avash të orientojmë veten drejt idesë që në ditët në vijim nuk do jetë kaq e lehtë të funksionosh duke qarkulluar paranë dorë. Pra, një pjesë për të cilën do të flitet edhe nga politika, do të jetë për një reformë të lëvizjes së lekut në përgjithësi, kështu që pjesa e parë, me Jupiterin dhe Uranin tek Demat, na ndihmon shumë për të rregulluar pikërisht këtë raport dhe për të manaxhuar edhe ekonominë. Në të nëjjtën kohë, deri në 2025-n, do të kemi një fazë të rëndësishme edhe të rregullimit të cështjeve të pronesisë. Edhe kjo duhet vendosur në çështje të ditës, të legalizimeve që kanë ngelur, të pronave që kanë ngelur evazive, të atyre që kanë mbetur pa rregulluar, të gjitha duhen vendosur në pjesën e parë të vitit, prioriteti numer një. Këto ndihmohen nga ky Jupiter tek Demat, sidomos në 15 prill, që do të rezultojë shumë pozitiv për ata që kanë çështje të varura me pronat, që arrin maksimumin më 21 prill, deri në datën 15 maj, ku ka bashkime të planeteve pozitivë në maksimunin e mundshëm.
Ndërsa pjesa e dytë, me kalimin e Jupiterit tek Binjakët, ka të bëjë më tepër me ata që duan të rregullojnë dokumentat apo shqiptarët që janë jashtë e duan të rregullojnë çështjet e dokumenteve e letrave e shkresave në përgjithësi. Do ndihmojë jashtëzakonisht shumë për të stabilizuar me çështjet zyrtare, ndërsa për pjesën e vendit është një periudhë shumë e mirë për t’u qartësuar si funksionon ligji, gjykata, pjesa e çështjeve të drejtësisë në përgjithësi, duhet vendosur prioritet nga gjithësecili, për ata që kanë për të myllur çështje. Për fat të mire, kjo pjesa e çështjeve ligjore e zyrtare do të vazhdojë deri në maj të 2025-s, e do të vazhdojë të favorizohet, sepse ndryshimin e imponuar, pra që nuk ka më pas, do ta kemi deri në qershor-shtator 2026. Kështu që avash-avash t’i mbyllim, të përgatisim veten dhe të kultivojmë mënyrën e të reaguarit të së përditshmes. Një shije të mirë mund ta marrin në Skandinavi, se Skandinavia tamam-tamam, ka filluar që prej 2012-2015 që të funksionojë në këtë lloj forme, kështu që avash-avash kjo lloj forme do të vazhdojë të shpërndahet gjithëandej.
Për të mos harruar, meqë njerëzit e kanë shumë merak këtë pjesën e Mërkurit, Mërkuri do të vendoset në lëvizje në të kundërt përgjatë 2024-s nga 2-25 prill, gusht 6-29, e nga 27 nëntor-16 dhjetor.
E nisim në fakt me hyrje të forta Janarin. Dhe në momentin që flasim, pavarësisht se kemi atmosferë festive, kemi një hyrje të Venusit goxha të vështirë në fakt dhe do të duhet të jemi… këtë dashurinë duhet ta tregojmë edhe thellësisht, sepse do dëgjohen edhe zhurma negative në familje… Familjen si sytë e ballit, sepse realisht është një bosht që mund të duket obligim, detyrim, përgjegjësi, është përgjegjësia më e madhe, por është edhe ajo përgjegjësi, që na jep mundësinë për të qenë në përjetësi. Pra në ditët që jemi, familja nuk duhet të jetë thjesht teorikisht prioritet, por duhet të jetë realisht deri në datën 22 janar. Të duhet dhe të pranohet thelbësisht.
