Unë nuk mund të hesht për Elton Qynon, sepse kam të ngulitur në mendje dy momente.
E para , rrëfimi i tij krejt personal; kur më tregoi se si teksa po investigonte për një aferë korruptive i ishte sygjeruar/ kërkuar/ këshilluar nga një prej ish shefave të tij që ta linte atë artikull, se dëmtonte interesat e “ bosit”. Qyno nuk e braktisi kërkimin e botoi diku tjetër dhe nga ai “ hetim “ gazetaresk u godit një nga rrjetet shteterore të të bërit korrupsion.
Këtë moment e kam vleresuar së brendshmi, pa ja thënë asnjëhere se ai veprim këmbëngulës, për mua ishte tregues integriteti profesional/ kurajoje dhe shembulli që i jep dinjitet misionit dhe njeriut.
Veçanerisht në një terren të vështirë si gazetaria
Momenti i dytë është ai i ditës kur shkoi në SPAK.
Po pinte kafe vetëm, me një molle në dore (se Eltoni e merr ushqimin me vete, ka dy fëmijë dhe një kredi). Përshëndeti edhe prokurorin Behar Dibra, që ishte pak tavolina me tutje, dhe u çua iku. Behar Dibra ishte ai prokuror që ndërkohë i kishte cuar ftesën për ta pyetur, dhe as ai, as të tjerët, nuk e kuptuan se ndërkohe halli me i madh i Qynos ishte ku t’i fshihte telefonat.
Prokurori duhet ta ketë kuptuar me vonë, se mbase gazetari i kishte fshehur telefonat në ëc-në e atij bari, ku palëve u shpëton ndonje detaj, pse jo edhe dosjesh!
“Kam takim me nje burim me tha Qyno” dhe u largua nga Bar Class, që mesnatën e asaj dite iu shqye edhe depozita e ujit të tualetit, dyshuar si vendi i fshehjes së telefonave.
Nuk u mburr që më kanë thirrur ata të akuzës.
As kërkoi ndihmë.
As sensibilizim.
Nuk e ka kërkuar ende as pas sekuestrimit të telefonave, kontrollit fizik dhe të baneses dhe vendit të punës.
Natyrisht që e pyeta gjerë e gjatë Elton Qynon, mbi çdo moment nga publikimi i dëshmisë së Nuredin Dumanit, tek bisedat e Sky të njerëzve të krimit, të zyrtarëve të policisë dhe të ndonjë gjyqtari apo edhe ndokujt në KLGJ, që ekspozohet në Sky kur një kriminel kërkon një datë gjyqi dhe emrin e gjyqtarit, dhe me pas thotë se “do pyesë diku në KLGJ, se ka kontakte atje” . Paradoks i dhimbshëm apo jo, se çfare transparence e hatashme ofrohet për kriminelet, në një kohë kur gazetarët qarkullojnë si pula pa kokë, në një gjyqesor të shpartalluar që nuk ofron vendime të zbardhura për mediat, me preteksin se nuk duhen prekur të dhënat personale. Dhe gazetaret vrapojnë nën këtë terr, duke u mbajtur fort pas burimeve, plotësisht të shenjta për ta.
Unë di dhe raste kur gazetarët kanë kërkuar informacion zyrtar për njerez potentë në krim dhe të nesërmen janë tradhetuar nga institucioni, mbasi janë telefonuar dhe pikerisht nga ky personazh u është kërkuar llogari “çfarë kërkon për mua?”
Kjo është e verteta e tradhtimit të gazetarit shqiptar.
Tjetra është braktisja e tij. Lënia vetëm.
Meqënese flitet për gazetarë që kanë patur Sky, (prokuroria t’i vërë emer kësaj çështjeje, t’i gjejë ata gazetarë, të kontribuojë për të vërtetën), ia bëra pyetjen që me shqetësonte kolegut.
Elton – e pyeta a ke patur Sky, enchro?
Më pa i zhgënjyer dhe ma preu : – Jo Anila. Kam patur një telefon që ma dhuroi tetë vjet më parë pronari dhe aty kam gjithçka timen. Të profesionit, familjes dhe aksesin në bankë. Tek i dyti mbaja dokumentat, një arkivë e tërë dosjesh, që pastaj i printoj, u vendos emrat ne krye dhe i ruaj dhe në shtëpi. M’i morën të gjitha!
Une e di se jam gazetare dhe në shtëpinë time ka nje mal me dosje, në zyre po ashtu. Dhe i kam fshehur pas kësaj qe i ndodhi Elton Qynos.
Jam e vërtetë në këtë që po them! Kolegët më pane se si disa dosje i “pastrova” në zyrë, megjithese kam vite që veproj me kundër masa, sikur dikush të jetë duke me ndjekur për të zbuluar e marrë në qafë njerezit që më besojnë mua, flasin me mua dhe me tregojne diçka !
Une e di se sa i shqetësuar është Qyno për burimet, sepse njeri prej tyre, prokuror kishte folur me të dy ditë me parë dhe e kishte zenë paniku. Me tregoi biseden me Qynon dhe heshta. Heshta, sepse e di çdo të thotë të të BESOJNË e të mos TRADHËTOSH.
Unë e di se çdo të thotë të gjurmohesh sepse duan të të zbulojnë burimet, një rrethi të ngushtë miqsh shumë muaj më pare, ju kërkova të tregojmë vetëm barsaleta në telefon. Një nder ta ishte Pandi Gjata, që e kam shmangur në telefon për një kohë të gjatë, mbasi i rrëfeva gjurmimin që po me ndodhte për gjetjen e një burimi.
Problemin me të cilin po përballet Elton Qyno, që përgjate një dite te tërë i është kërkuar burimi i lajmit, e kupton vetem nje gazetar. Çdo ditë që kalon, me telefona nën ekspertize, për një gazetar është sikur i kanë hapur zemrën për së gjalli dhe po i pickojnë çdo ind. E pyeta: Qyno, çfare mendove kur të pyesnin për burimin? Me ftuan tha, shkova. Me thoshin: zoti Elton nuk kemi gjë me ty, s’do ikesh prej ketej pa treguar burimin. Një ditë të tërë, (në një rrefim që i takon gazetarit ta bëjë), atij ju kërkua me insistim burimi, që nuk e dorezoi.
“Por tani do më largohen të gjithë – thotë – do kenë frikë se jam i përgjuar”!
Unë nuk e besoj që burimet do tremben. Por nuk e di nese do ndodhë e njëjta gjë me gazetaret që raportojnë për drejtesinë, prokurorinë dhe policinë.
Gazetari Elton Qyno, të cilit SPAK i sekuestroi telefonat, pasi i kontrolloi shtëpinë dhe vendin e punës, duke i kërkuar me këmbëngulje burimin e lajmeve të tij mbi aktivitetin kriminal në vend.
Bashkëngjitur deklarata e SPAK për gazetarin Qyno.
