Kryeministrja italiane Giorgia Meloni ka ndarë ditën e sotme në instagramin e saj lajmin se I jep fund një herë e përgjithnjë marrëdhënies me bashkëshortin e saj, moderatorin dhe gazetarin Andrea Giambruno.
Edhe pse Meloni shkruan në statusin e saj se marrëdhënia e tyre ka kohë që është ftohur, shkak për këtë deklaratë në fakt u bë një video që emisioni investigativ “Striscia la notizia” publikoi duke nxjerrë në pah kërkesat e cuditshme seksuale të bashkëjetuesit të Melonit.
Në videon e fshehtë transmetuar mbrëmë në darkë, bashkëjetuesi i Melonit dëgjohet tek fton të tjera gra t’u bashkohen aktiviteteve të tij seksuale, treshe apo katërshe, e po ashtu edhe të ngacmojë njërën prej moderatoreve në studio, duke bërë batuta “pse nuk të njoha më parë” e duke prekur pjesët intime të vetat.
Ditën e sotme kryeministrja italiane ka bërë me dije se marrëdhënia e saj me Gianbrunon përfundonte sot, duke theksuar se do të mbronte me cdo kusht të bijën shtatë vjece nga buja e lajmit, e cila I do po njësoj mamanë dhe babanë e saj.
Meloni në shënimin e saj në Instagram nuk lë pa u dërguar një mesazh edhe kundërshtarëve të saj, duke thënë se pika e ujit mund ta gërryejë vërtet gurin, por pika e ujit mbetet pikë uji dhe guri gur.
Shënimi i plotë i Giorgia Melonit
Marrëdhënia ime me Andrea Giambrunon, e cila zgjati gati dhjetë vjet, përfundon këtu. E falënderoj për vitet e mrekullueshme që kaluam së bashku, për vështirësitë që kaluam dhe që më dha gjënë më të rëndësishme në jetën time, që është vajza jonë Ginevra.
Shtigjet tona vajtën kohë që kanë ndryshuar dhe ka ardhur koha ta pranojmë atë.
Unë do të mbroj atë që ishim, do të mbroj miqësinë tonë dhe do të mbroj, me çdo kusht, një vajzë shtatëvjeçare që e do nënën dhe babanë e saj, ashtu siç unë nuk munda të dua timin.
Nuk kam asgjë tjetër për të thënë për këtë.
Ps. të gjithë ata që shpresonin të më dobësonin duke më goditur shtëpisë shtëpi, duhet ta dinë se sado që pika e ujit ta gërryejë gurin, guri mbetet gur dhe uji ujë.
