Teksa videoja seksuale xhiruar në zyrën e kryetarit të Bashkisë Kukës, bëri dje xhiron e rrjetit, duke indinjuar një opinion të tërë publik për atë që ndodh në zyrat e shtetit, kriminologu Ervin Karamuço ndan në tjetër mendim sa i takon kësaj cështjeje, të cilin e shprehu në emisionin “Zonë e Lirë” të Arjan Çanit.
Teksa po shpjegonte mënyrën se si mund të ishte rregjistruar skena, Karamuço tha mes të tjerave se sipas mendimit të tij aty nuk ka vepër penale, e se gruaja sipas tij nuk është aspak viktimë.
“Janë futur në zyrë”, tha Karamuco. “Dera është mbyllur. Çanta e partneres. Pra filmimi është bërë me një çantë, çanta është pozicionuar në atë pozicion ku vërtet do të kryhej akti. Ky nuk do ketë qenë akti i parë, do ketë qenë i përsëritur. E shikoni atë brimën aty? Këto janë canta që përdoren nga gratë që duan të shantazhojnë nëpërmjet pamjeve filmike intime. Këto çanta kanë ardhur edhe në Shqipëri. Në momentin që mbaron akti mes dy partnerëve, gruaja çohet, shkon në drejtim të çantës, dhe merr, nëqoftëse e keni vënë re, ajo merr një facoletë nga çanta, dhe aty ka një çrregullim të pamjes, dhe pastaj e vendos sërish në vendin e saj, gjë që do të thotë se ajo që e ka pasur, ka qenë në dijeni të plotë që po filmohet dhe vazhdon të kërkojë ende pamje filmike intime. Pra do të thotë që është e inskenuar, e programuar seç do të ndodhë, dhe kërkohet vetëm prova.
Kjo është një pikëpyetje shumë e madhe, se si këto flmime mund të jenë çuar më pas për shantazh, por kjo është një çështje që po hetohet e mund të ketë qenë edhe black mail.
Nëse flasim për vepër penale, tha mandej Karamuço, duhet t’i hyjmë hyjmë analizës, por për mua aty nuk ka vepër penale fare. Unë e mbyll me një fjali, gruaja nuk është viktimë, përfundoi vendimin e tij kriminalisti Karamuço./ MetropolPost
