Rasti ish funksionarit FBI amerikane Charles McGonigal, në hetimet për të cilin përmendet edhe kreu i qeverisë shqiptare Edi Rama, po trajtohet gjerësisht dhe me interesin më të madh në median amerikane, duke u fokusuar më tepër edhe në një pastrim të mundshëm të parave prej funksionarit të lartë të FBI-së.
Nga sa sqarohet prej CNN, mbi Charles McGonigal, i ndaluar të hënën në aeroportin ndërkombëtar “Kenedi”, rëndojnë dy akuza: ajo e mitmarrjes së një shume të konsiderueshme parash prej një ish punonjësi të Shërbimeve Inteligjente Shqiptare kur ishte ende në detyrë në krye të FBI-së (kohë kur është takuar edhe me Ramën), dhe tjetra, pas tërheqjes nga detyra, më 2018-n, ajo e bashkëpunimit me një prej oligarkëve rus, cilësuar si prej bashkëpunëtorëve më të ngushtë të Putininit, pjesë e listës së sanksioneve amerikane ndaj Rusisë, Oleg Deripaskën.
Nga sa sqaron gazetarja e CNN Kara Scanell, e cila raporton mbi hetimin pranë këtij stacioni televiziv, akuza për shkelje të sanksioneve ruse, ka ardhur si pasojë e bërjes biznes mes McGonigal-it dhe oligarkut rus, gjë që, edhe pse ai nuk punonte më në FBI, cilësohet shkelje ligji në Amerikë. Kurse akuza tjetër, lëshuar prej prokurorëve të Uashingtonit, i referohet kohës kur McGoningal punonte në krye të FBI-së, dhe konkretisht marrjes së shumës së 225 mijë dollarëve, prej një tjetër punonjësi të shërbimeve inteligjente shqiptare, me të cilin, thekson Scanell në raportimin e saj, ka udhëtuar drejt Shqipërisë, ku ka takuar mjaft qeveritarë e disa herë edhe kryeministrin e vendit.
Në momentin e arrestimit McGonigal ka karaqitur një deklaratë pafajësësie përmes avokatit të tij, duke kundërshtuar akuzat e dhunimit të sanksioneve amerikane, dhe atë pastrimt të parave.
Një prej gjërave që i kërkohet McGonigalit nga organi i akuzës, është që të deklarojë listën e plotë të udhëtimeve ndërkombëtare të bëra dhe takimeve të kryera, gjë që, përsa punonte në FBI, duhej ta kishte bërë, por nuk e ka bërë, ndërkohë që nga sa raporton Scannell, përgjatë udhëtimeve ndërkombëtare në Shqipëri, Austri dhe Gjermani, McGonigal nuk ka deklaruar as se ka takuar kryeministrin shqiptar, një politikan kosovar e të tjerë qeveritarë.
Për gjatë takimeve, deklarojnë mediat amerikane, McGonigal e ka këshilluar kryeministrin shqiptar “të tregohet i kujdesshmën në dhënien e licensave për shpimet e naftës kompanive me koperturë ruse”, ndërkohë që “Ish punonjësi i shërbimeve inteligjente shqiptare, që i pagoi atij 225 mijë dollarë, kishte interes financiar në vendimet e qeverisë mbi kontratat”.
Një tjetër pagesë prej 80 mijë dollarësh, thekson raportimi në CNN, i është bërë kesh McGonigal teksa ndodhej ulur në një makinë të parkuar jashtë një restoranti në Nju Jork.
Sipas organit të akuzës, nën drejtimin e tij, FBI-ja ka hapur një hetim mbi përpjeket për lobim të huaj ndaj një qytetari amerikan, nisur nga informacionet marrë prej ish punonjësit të shërbimeve inteligjente shqiptare, pa e treguar marrëdhënien e tij finaciare.
Akuzat e Nju Jorkut mbështesin se McGonigal e ka takuar për herë të parë Shestakovin në 2018-n, teksa ishte ende në FBI, përmes një zyrtari të shërbimeve inteligjente ruse, njohur më herët si diplomat i ministrisë së Punëve të jashtme për Bashkimin Sovjetik dhe Federatën Ruse.
Pas largimit nga FBI në 2018-n, McGonigal u punësua si konsulent për një studio ligjore në Nju York, që punonte mbi sanksionet e vëna për oligarkun Deripaska, Nga sa thuhet prej akuzave, në 2019-n McGonigal ka shkuar në Londër dhe Vjenë për të takuar Deripaskën, në përpjekje për ta fshirë oligarkun rus, nga lista e sanksioneve amerikane.
McGonigal u lirua me kusht prej këtyre akuzave, me një gjobë prej 5 mijë dollarësh, ndërkohë që rrezikon të dënohet rreth 20 vjet burg, nëse vërtetohen akuzat e pastrimit të parave që rëndojnë mbi të.
A former top FBI official was arrested at JFK airport for allegedly violating U.S. sanctions against Russia by working with a notorious oligarch @KaraScannell reports pic.twitter.com/JAgPbgwRyi
— The Lead CNN (@TheLeadCNN) January 24, 2023
LEXO EDHE:
LEXO EDHE:
