Kreu i PD-së ka reaguar në lidhje me vdekjen e të riut Laert Kurti, i cili ka humbur jetën ditën e djeshme, pas ndalimit nga policia dhe futja e tij në makinën e Policisë për t’u shpënë në Komisariat, duke u dërguar pa ndjenja në Spitalin e Traumës.
Në njoftimin e saj AMF-ja, deklaroi se “gjatë shoqërimit ky shtetas ka shfaqur probleme shëndetësore sapo ka mbërritur në ambientet e Komisariatit”, ndërkohë që Berisha këmbëngul se atë e kanë qëlluar për vdekje në makinën e policisë.
“Policia gënjen, deklaroi Berisha përpara gazetarëve përpara se të hynte në Parlament. Sic tha për Klodian Rashën, e ke parasysh. Sic tha qe u gjend dhe një revole dik andje, Tani prisni të tha thonë se në një pellg atje ishte një revole, sigurisht. E kanë ndjekur se nuk paraqiti dokumentin në një distancë të gjatë shumë, e kanë kapur, e kanë futur në makinë, janë sjellë shtazërisht me të, dhe burimi thotë se në komisariat e kanë sjellë pa ndjenja ose të vdekur. Nuk kanë marrë autoambulancë për ta shpënë në komisariat, nuk kanë thirrë autoambulancë, nuk e kanë dërgue drejt e në spital viktimën e tyre, por me një makinë policie e kanë dërguar gjoja në spital de fakto më vonë. Po të lexoni komunikatat, gjithcka tregon se është dora kriminale e vrasësve me uniform, që i morën shpirtitn një 32 vjecari pas mesnate Tiranë. Kjo është historia. Kishin një mijë mënyra të tjera, përvec marrjes së shpirtit, për t’u sjellë ndaj atij njeriu“, deklaroi mes të tjerave kreu i PD-së.
Njoftimi i plotë i AMF-së për rastin Kurti
Më datë 19.10.2022, rreth orës 23:07, Patrulla e Përgjithshme e Komisariatit të Policisë Nr. 3 Tiranë, gjatë kontrollit të territorit, kanë konstatuar në rrugën “Riza Cuka” një shtetas të cilit i kanë bërë thirrje për të ndaluar me qëllim për t’i kontrolluar dokumentat e identifikimit. Sapo patrulla i kërkoi për të paraqitur dokumentat e identifikimit, shtetasi L. K., 32 vjeç është larguar me vrap. Punonjësit e policisë janë vënë në ndjekje dhe kanë arritur ta ndalojnë në rrugën “Don Bosko”, duke kryer më pas edhe shoqërimin e tij në ambientet e Komisariatit të Policisë Nr. 3 në Tiranë. Gjatë shoqërimit të tij, ky shtetas ka shfaqur probleme shendetësore sapo ka mbërritur në ambientet e Komisariatit. Menjëherë është kërkuar ndihma e shërbimit të Urgjencës dhe për shkak se situata shëndetësore e tij është rënduar, ky shtetas është dërguar me mjetet e Policisë në Spitalin e Traumës, ku edhe ka ndërruar jetë. Agjencia e Mbikëqyrjes Policore, nën drejtimin e Prokurorisë ka ngritur menjëherë grupin hetimor, i cili po kryen veprimet e para hetimore për sqarimin e plotë të rrethanave të ngjarjes. Gjithashtu, aktualisht po kryhen ekzaminimet mjeko-ligjore për përcaktimin e shkakut te vdekjes dhe në përfundim AMP do të dalë me një njoftim përfundimtar për shtyp.
