Teksa konflikti Ukrainë-Rusi duket ende larg përfundimit, zëra shqetësues kanë nisur të ndihen në media sa i takon nëndetëses ruse Belgorod, një prej nëndetëseve më të mëdha atomike në botë.
Belgorod është e gjatë 178 metra dhe është përuruar më 23 prill 2019-s në Rusi, në prani të vetë Putinit. Në barkun e saj, nga sa raportojne mediat e huaja, ka gjashtë silurë gjigandë me fuqi atomike.
Siluri Poseidon
Ky silur është i gatë 24 metra dhe i gjerë 2, dhe është i aftë të udhëtojë me 140 km në orë edhe mijëra metra nën thellësi; është i pajisur me një kokë atomike 2 megatonë, 150 herë më e fuqishme se bomba e Hiroshimës.
Loshark
Është një mininëndetëse atomike ngjitur së jashtmi nëndetëses gjigande, e llogaritur për t’u përdorur për misione të spiunazhit nënujor. E gjatë 70 metra dhe me 35 njerëz në ekuipazh, është e pajisur me një sistem robotësh nënujorë dhe dronë të aftë të ndërtojnë hartën e thellësive ujore.
Brenda guaskës cilindrike të Belgorodit, e gjatë 14 metra, me një diameter prej 8 metrash, gjendet një gjenerator atomik quajtur Harmoni, që përdoret për të ushqyer sistemin e sensorëve dhe atë të lokalizuesëve. Sipas rusëve, arrin të përkapë cdo mjet nënujor deri në 100 km largësi.
Helikat
Dizajni i tyre dhe materialet e përdorura për ndërtimin e tyre, e bëjnë Belgorodin tejet të heshtur, e po ashtu edhe tejet të vështirë, për t’u përkapur prej lolalizuesëve kundërshtarë.
