Italia është tronditur ditën e djeshme prej një kërcënim me bombë në 6 mijë shkolla të saj, ardhur përmes një imejli: “Do të kryejmë gjenocid kundër italianëve,” thuhet në mesazhin e nënshkruar nga Mikhail Antropov, udhëheqës i Vilajetit të Mizogjinistanit.”
Paniku është përhapur nëpër klasa, duke çuar në evakuimin e nxënësve dhe kontrolle sigurie në ambientet e shkollave.
Kryeministrja Meloni e ka përjashtuar mundësinë e ndonjë “rreziku konkret”, por flet për “një strategji që synon të krijojë alarm dhe shqetësim”.
Në Palazzo Chigi është zhvilluar një takim me drejtuesit e shërbimeve të inteligjencës dhe sigurisë kibernetike, ndërsa për mëngjesin e së enjtes janë thirrur edhe liderët e opozitës.