Kreu i Kremlinit Vladimir Putin, aktualisht në qendër të vëmendjes në të gjithë botën, për hir të luftës nisur me Ukrainën, ka vendosur ta strehojë në Zvicër të dashuën e tij Alina Kabaeva, së bashku me 4 fëmijët që kanë bashku.
Sipas “Page Six” të New York Post, teksa Putin po ndërmerr raprezalje të një pasnjëshme mbi Ukrainën, duke sulmuar njerëz të pafajshëm e fëmijë, ka zgjedhur Zvicrën për të shpënë të dashurën e tij Alina Kabaeva, së bashku me katër fëmijtë e vegjël, që kanë ardhur në jetë nga marrëdhënia e tyre.
Edhe pse theshethemet thonë së Kabaeva me Putin kanë 4 fëmijë, asnjë prej të dyve nuk e ka konfirmuar ndonjëherë këtë lajm, ndërkohë që vetë Putin nuk ka shumë dëshirë të flasë për jetën e tij private. “Kam një jetë private” ka deklaruar një herë ai, “ku nuk lejoj të ndërhyjë njeri. Kam reaguar pëherë negativisht ndaj atyre që fusin hundët në të”.
Po sipas “Page Six”, çifti ka dy vajza binjake 7 vjeçe lindur në Lugano të Zvicrës, e po ashtu edhe dy djem. Fëmijët kanë pasaportë zvicerane, e me gjasa edhe nëna e tyre 38 vjeçare, Alina Kabaeva. Ndërkohë, thotë “Page six”, Putin ka dhe dy fëmijë të tjerë me ish gruan, Lyudmila Shkrebneva, me të cilën u divorcua në 2013-n, Marien 36 vjeçe lindur në Leningrad dhe Katerinën lindur në Gjermani, teksa Putin punonte si agjent i KGB-së.
Kabaeva është një prej gjimnasteve më të vlerësuara ruse, me dy medalje olimpike, 14 botërore dhe 21 medalje europiane. Është cilësuar ndryshe edhe si “gruaja më elastike” e Rusisë. Në 2014-n u emërua prej Kremlinit të drejtonte “National Media Group” në pronësi të shtetit, me një pagë të deklaruar 10 milionë dollarë në vit.
Nuk dihet ende se si do të ndikojnë vendimet e Zvicrës ndaj pasurisë së Kabaevës dhe fëmijëve të saj, meqë ata janë nënshtetas zvicerianë, në një kohë që ky shtet deklaroi një sërë masash që do të merrte ndaj pasurive të individëve apo shoqërive ruse, përfshi dhe Vladimir Putin.
