Lavrov ka akuzuar perëndimin se po i mëshon një lufte nukleare mes Rusisë dhe Ukrainës, ndërkohë që Rusia po bën c’është e mundur t’ju rezistojë provokimeve. Lajmin e bëjnë të ditur mediat ruse të cilat citojnë ministrin e Jashtëm rus, gjatë një interviste dhënë prej tij onlajn.
“Është e qartë që Lufta e Tretë Botërore do të jetë vetëm nukleare”, ka deklaruar Lavrov gjatë një interviste për mediat ruse e të huaja. “Unë do të doja të theksoja që idejae një lufte të tillë nukleare, qarkullon vazhdimisht në kokat e politikanëve perëndimorë, e jo në atë të atyre rus. Ajo për të cilën unë mund t’ju siguroj, është se nuk do të lejojmë asnjë lloj provokimi, që të na shtyjë të humbasim ekuilibrin”.
Deklarata e Lavrovit vjen thuajse pas katër ditësh që presidenti Putin vuri në gatishmëri forcat nukleare.
Moska, aktualisht, zotëron arsenalin më të madh të armëve nukleare në botë, dhe një depozitë të stërmadhe raketash balistike, që përbëjnë shtyllën kurrizore të armatimit të vendit.
