Teksa grupi Rithemelues i PD-së ka nxjerrë ngado logon e koalicionit “Shtëpia e lirisë” përmendur ditën e djeshme nga Berisha, si emri i koalicionit nën të cilin do të garojë ky grup së bashku me LSI-në dhe parti të tjera ende të pa bëra publike, KQŹ shprehet se tek ajo, deri më tani, asnjë Komitet Nismëtar nuk ka paraqitur kërkesë për të qenë pjesë e zgjedhjeve të pjesshme për krerët e bashkive, të 6 marsit 2022, çka nënkupton se koalicioni i përfolur dje nga Berisha, nuk është rregjistruar ende në KQZ, per te qene pjese e zgjedhjeve për krerët e 6 bashkive në vend.
Shënimi i plotë i KQŹ-së:
Në Komisionin Qendror të Zgjedhjeve kanë paraqitur kërkesë për t’u regjistruar si subjekte zgjedhore në #zgjedhje6bashki të datës #6mars2022, partitë politike në vijim:
- Partia Socialiste e Shqipërisë (PS)
- Partia Demokratike e Shqipërisë (PD)
- Levizja Socialiste për Integrim (LSI)
- Levizja e Re (LRE)
- Fryma e Re Demokratike (FRD)
- Partia Kristian Demokrate (PKDSH)
- Partia Demokristiane e Shqipërisë (PDK)
- Partia e Reformave Demokratike e Shqipërisë (PRDSH)
- Partia Bashkimi Demokrat (PBD)
- Partia Lëvizja e Legalitetit (PLL)
- Partia Balli Kombëtar Demokrat (PBKD)
Nuk ka paraqitur në KQZ Shqiperi kërkesë për regjistrim si subjekt zgjedhor në zgjedhjet e pjesshme vendore, asnjë Komitet Nismëtar. Nuk ka patur kërkesë as në KZAZ-të e Dibrës, Vorës dhe Rrogozhinës nga asnjë Komitet Nismëtar.
Komisioni Qendror i Zgjedhjeve ka 24 orë në dispozicion për të kthyer për plotësim dokumentacionin e atyre partive që kanë mangësi/problematika, për të vijuar më pas me miratimin e tyre në seancë publike.
Kodi Zgjedhor parashikon se subjektet e regjistruara do të kenë një afat prej 24 orësh për të sjellë kërkesën për koalicione të mundshme zgjedhore.
