Në deklaratën e sapo bërë për mediat, kreu i PD-së Basha u ka kërkuar demokratëve të mos bien pre e provokimeve të Berishës, i cili po i përdor, ata dhe PD-në për interesa të veta personale.
Për hallin e tij që as e ka nga ne, e as ia zgjidhim dot, Sali Berisha ka thirrur nesër një protestë përpaea selisë së PD-së, tha Basha. Unë dua t’ju drejtohem sot të gjithë demokratëve, e sidomos atyre që kanë dashur me sinqeritet thirrjen e një Kuvendi të PD-së, të cilin kryesia e PD e thirri më 18 dhjetor, edhe në reflektim të kërkesave të tyre. Pasi u përpoqa me Berishën të gjeja variantin më të mirë për PD në radhë të parë, por edhe për atë vetë, pa ia dal dot, e ndjej si detyrim moral t’ju them se Sali Berisha ju ka mashtruar. Ka dashur t’ju bëj budallenj mbi motivacionin pse është shpallur non grata. Ka mashtruar duke mbajtur sekret, kur nuk ju ka thënë se deklaratat e Biden se Amerika do të ndërpresë çdo marrëdhënie me PD-në nëse qeveriset nga ndonjë njeri non grata, cilido qoftë ai. Shpallja non grata për korrupsion, nuk i është hequr kurrë askujt. Për hallin e vet, Berisha nuk mendohet dy herë që t’i cojë demokratët në përplasje. Ta harrojë! Selia është e demokratëve padallim. Është shtëpia e lirisë, e mendimit të lirë, shtëpia e bashkimit të interesit që na bashkon të gjithëve, pro meje apo kundër meje, që është largimi një orë e më parë I qeverisë së rekordeve kriminale të Ramës. Por kjo seli nuk është e nuk do të jetë një han mesjetar, ku do të hyjnë duke u kapardisur eksponentë të krimit apo të merret peng nga ish zyrtarët e korruptuar të PD. Demokratëve u bëj thirrje të rrinë larg skenarëve të dhunës që duan destabilizim dhe shkatërrimin e PD- se. Edhe tani Berisha po ju gënjen e mashtron.
PD ka marrë masat të përballet dhe t’ju tregojë vendin me fuqinë e ligit agresorëve që nuk kanë asnjë lidhe me PD-në dhe me misionin tonë përballë shqiptarëve. Demokratët nuk ia kanë borxh Berishës kundërvënien ndaj njëri-tjetrit. Demokratëve, pro e kundër meje, u them të qendrojmë të bashkuar kundër Edi Ramës, kundër skenareve të dhunës, tha mes të terave Basha
