Teksa presidenti amerikan Joe Biden po përgatitet të përcaktojë politikën e tij ndaj Koresë së Veriut, e motra e Kim Jong Un-it, Kim Yo Jong e njohur për ndikimin e saj të madh në politikat e vendit, e ka paralajmëruar të mos i qelbë gjërat.
Një këshillë administratës së re të Shteteve Të Bashkuara, është shprehur ajo, cituar nga e përditshmja koreane “Rodong Sinmun”, që po lufton për të përhapur erën e barutit në tokën tonë në anën tjetër të oqeanit. Nëse do të flejë në paqe për katër vitet e ardhshme, bën mirë të mos i qelbë gjërat me hapin e parë.
Qeveria amerikane është shprehur se po përpiqet prej javësh të vërë kontakte diplomatike me Korenë e Veriut, por Pijongiangut i duhet të pranojë fillimisht se tashmë Bideni është në krye të Amerikës.
Të dyja vendet kanë ende mosëmarrëveshje për programet nukleare dhe balistike të veriut.
