Kanë ngjallur reagime të shumta në rrjet, videot në Tik-Tok të kryetares së Gjykatës së Elbasanit Enkelejda Kapedani.
Në videot dhe fotot bërë publike së pari prej portalit Hashtag.al, shquhet qartë znj. Kapedani, e cila sfilon nga ashensori për në zyrën e kryetares së Gjykatës, me gjeste tipike modeleje, duke bërë duck-face e përkëdhelur flokët, e po ashtu edhe duke ngarë makinën me një dorë, teksa me tjetrën xhiron veten me celular, veshur me Prada apo Gucci.
Pavarësisht se Inspektoriati i Lartë i Drejtësisë ka nisur hetimin disiplinor ndaj saj për hir të këtyre videove, dhe vetë ajo ka deklaruar se nuk ka llogari në Tik-Tok, mbetet ende e paqartë se si zonja Kapedani, me aq dosje sa ka Elbasani, ka luksin të bëjë edhe video të këtilla.
Po aq e paqartë është edhe mënyra se si znj. Kapedani ka mbërritur në atë pozicion pune, seriozitetin e të cilit, me sa duket nga videot, nuk arrin ta mbajë dot.
\n\n