Gjatë fjalës së tij në kuadër të nënshkrimit të marrëveshjeve për Ballkanin e Hapur, presidenti i Serbisë Vuçiç, i ka ftuar maqedonasit dhe shqiptarët të ndihen në Serbi si në shtëpitë e tyre. Mes të tjerave, ai sqaroi se nisma e Ballkanit të Hapur, nuk ka të bëjë as me Serbinë e Madhe e as me Shqipërinë e Madhe, por me mirëqenien e përbashkët të të gjithëve që rrojnë në Ballkanin Perëndimor.
Jam i lumtur për ato marrëveshje që kemi arritur sot, tha ndër të tjera Vuçiç. Është kurorëzimi i një pune 2 vjet e gjysmë. I kishim diskutuar këto gjëra, por nuk kishim arritur të përfundonim disa nga procedurat burokratike, por falë ekipeve tona ia kemi arritur që gjërat të ecnin, në mënyrë që qytetarët e vendeve tona të shikojnë përfitime nga këto arritje. Si në maqedoninë e veriiut ashtu dhe në shqipëri e Serbi. Dëshiroj të them që kur erdha, pashë që kryeministrit Rama iu kundërvunë për iniciativën e Ballkanit të Hapur. Për ata që thonë se unë dua një Serbi të madhe, ose për ata që thotë se Ballkani i Hapur është nismë për Shqipërinë e Madhe. Kjo nismë s’ka të bëjë as me njërën as me tjetrën, e as me një Maqedoni më të Madhe. Le të mos humbasim në këto diskutime që kanë të bëjnë me të shkuarën, sepse duke folur për këto gjëra, ne nuk do bëjmë diçka për të ardhmen. Ne duhet të përqendrohemi tek e ardhmja, të diskutojmë për të, dhe si të arrijmë atje. Pra ne duam të shikojmë më shumë turistë nga Tirana, Shkupi, që të vijnë në Novisad, por edhe se si jut ë mund të keni turistë nga e gjithë Serbia, që të vijnë në bregdetin aq të bukur të Shqipërisë. Pra, në fund të fundit, kjo punë ka të bëjë me rezultate të prekshme për qytetarët tanë. Të mirat që ne u sjellim atyre. Dhe në emrin tim, por edhe të gjithë qytetarëve serb, unë dua t’ju shpreh respektin tim për të gjithë qytetarët e Maqedonisë së Veriut, për të gjithë shqiptarët tuaj, dhe dua t’ju mirëpresim në Serbi, e Serbinë ta shihni si shtëpinë tuaj të dytë, tha mes të tjerave Vuçiç.
