E ka cilësuar po historike për pluralizmin shqiptar, ditën e sotme, kreu historik i PD-së Berisha, i cili, pas votimit në referendumin që pritet të shkarkojë Bashën, deklaroi përpara gazetarëve se është anëtarësia ajo që vendos sot për shkarkimin e kreut demokrat Basha, e se ky që do të niste, qe një kapitull i ri për ta.
Mes të tjerave, Berisha ka bërë ftesën e radhës për protestë, tipar ky nga më të spikaturit e mënyrës së të bërit politikë prej tij.
Një ditë historike kjo për liritë në PD, për pluralizmin politik shqiptar dhe për mbarë shoqërinë shqipare, tha mes të tjerave Berisha. Për herë të parë në histori, është anëtarësia ajo që vendos sot për shkarkimin e Lulëzim bravës, nga ajo detyrë, që siç dëshmoi nuk e ka merituar ndonjëherë. Ky është një kapitull i ri në rrugën e rithemelimit të PD-së dhe pluralizmit politik shqiptar. Ky është një akt madhor, që ka drith themelet e narko shtetit. I patë ju kreun e narko shteti mbramë, që përpiqej të tjetërsohej në çdo gjë tjetër nga ajo që është? E patë ju Lul bravën, se si ka mbledh në atë kuvendin e tij, nga nxënës shkollash, në kryetarë me dy mandate të Partisë socialiste. Por shifni nga ana tjetër, ngadhnjimin e opoitës së vërtetë, e cila vetëm në hapat e para ka sjellë entuziaëm, shpresë të madhe, për ndryshimin në rritje. Ato që bën Lul brava, atë skenar e merr nga kreu i Meduzës dhe unë u jap fjalën se do kenë të njëjtin fund e të njëjtin fat. Ditë e hënë ora 4, të gjithë demokratët në protestën e madhe në mbrojtje të interesit kombëtar, por dhe kundër vjedhjes së tmerrshme të 430 milionë eurove që kërkon kreu i Meduzës me SPAK-UN e tij, ti fshehë në një vjedhje prej 3 milionë eurosh.
I pyetur nga gazetarët se në cfarë cilësie i thërret, Berisha deklaroi se i thërriste në cilësinë e sovranit, duke e cilësuar Kuvendin e thirrur nga Basha, si anti-kuvend, e si një takim të shoqatës Brava Bardhi.
Po i mbledh në cilësinë e sovranit. Kuvendi është autoriteti më i lartë, që urdhëroi me votën e tij, thirrjen e Referendumit. Jo, ky i sotmi është anti kuvend, ose një takim i shoqatës Brava-Bardhi, tha mes të tjerave Berisha.
