SPAK arreston Lefter Kokën, Basha: “I bëj thirrje drejtësisë të mos lerë pas dore Ramën, Ahmetajn, Agaçin dhe Mërtirin, se pa ta afera e inceneratorëve, s’do kish qenë e mundur”

Pas arrestimit të ish Ministrit të Turizmit Lefter Koka për përzierjen në aferën e inceneratorëve, ka reaguar edhe kreu i Partisë Demokratike Lulëzim Basha. Në fjalën e tij përpara gazetarëve, Basha shpreu kënaqësinë për këtë arrestim, i cili u dha të drejtë sipas Bashës, shqetësimeve prej mëse një viti të PD, mbi aferën e inceneratorëve. Mes të tjerave në fjalën e tij, Basha tha se organet e drejtësisë nuk duhej të mjaftohshin vetem me arrestimin e Kokës, por duhej t’i kthenin sytë edhe nga Rama, Ahmetaj, Agaçi e Mërtiri, pa të cilët, sipas Bashës, afera e inceneratorëve nuk do kishte qenë e mundur.