Kuvendi i Shqipërisë ka mbyllur sot sesionet e veta, gjë që nuk ka mbetur pa u komentuar nga shumë njerëz.
Në një status të tijin, profesori dhe akademiku Artan Fuga, e cilëson atë si “Kuvend të turpit, që ka prodhuar ligjet më të këqija e më antidemokratike” në vend.
Mbylli punimet, theu qafën Kuvendi i turpit!, shkruan Fuga.
Nuk ka logore që e lan turpin në ballin e këtij parlamenti që prodhoi ligjet më të këqia, antidemokratike dhe idiote në botë!
Turpi është në ballë edhe te Komisioni i edukimit, medias arsimit, për ata gjoja opozitarë dhe kooperativistë, infermiere që u marrin të keqen infermiereve, edukatore cerdhesh që u marrin të keqen edukatoreve, në thelb të pashkollë që u bënë vegla të antikulturës, antishkencës dhe mizerjes anti-intelektuale!
Historia i nxori me turp në breg të kënetës!
Ik parlamenti i turpit ik! Të shpëtojë Shqipëria nga ty!
Kujtojmë që ky 4 vjeçar i Kuvendit të Shqipërisë ka qenë i mbushur me tensione të shumta politike, sidomos pasi Opozita braktisi Parlamentin, dhe Opozita e Re zuri vendin e saj, me individë që u diskutuan gjatë jo për mirë.
Punimet e ardhshme Kuvendi i nis në shtator, kohë kur në karriget e tij, do të ulen deputetët e dalë prej zgjedhjeve të 25 prillit, të cilat vazhdojnë ende të jenë të kontestuara, nga kahu opozitar.