Teksa Miss Amerika mbush 100 vite, një nga pyetjet më të rëndësishme sipas agjencisë së lajmeve Asocated Press, mbetet pa përgjigje. A duhet të vazhdojë ende ky konkurs bukurie?
I lindur më 1921 në Atlantic City, një vit sapo grave iu lejua e drejta e votës, ky konkursi më i famshëm i bukurisë në Amerikë, është përballur me peripeci të shumta, e cila, që prej kësaj kohe, ka njohur edhe valë të shumta feminizmi.
Organizatorët e këtij konkursi bukurie dhe të pasionuarit pas tij, shprehen për AP se ky aktivitet është krijuar për të qenë jetëgjatë e do vazhdojë të rrojë edhe me ndryshimin e kohërave. Edhe pse mund të mos kenë ideuar ndonjë plan për paqen në botë, shumë prej pjesëmarrësve në të pohojnë që ky event ka ndryshuar jetën e shumë njerëzve, duke u hapur dyert në nivel personal e profesional, dhe ky është një shans nuk duhet t’ju mungojë të tjerëve.
Njerëzit kanë një ide të të gabuar për konkurset e bukurisë, shprehet për AP-në mis Amerika 2004, Erica Dunlap, e cila u dipomua pa borxhe, sepse nuk bëhet fjalë thjesht për tú veshur bukur e për të qenë e preferuar në skenë.
Ndërkaq, autorja e “Looking for Miss America: Pageant’s 100-Year Quest to Define Ëomanhood” Margot Mifflin, shprehet se pjesëmarrja në të “është edhe një lloj pengese, sepse teksa përpiqesh të përparosh, jo vetëm që humbet identitetin vetiak, por edhe bëhet më pak dëfryes [ër njerëzit që e shohin. Disa duan që të flitet thjesht për bukuri e fitness, thotë ajo, kurse disa të tjerë duan të fokusohen tek lidershipi, talenti, dhe aftësia për të komunikuar.
Ndërkaq, historiku i Miss America-s, ka pasur uljet e ngritjet e veta. Në fund të viteve ‘30, ’40, ‘50, gratë që u përkisnin pakicave u përjashtuan nga rregulli numër shtatë, sipas të cilit “konkurentet duhej të ishin ‘me shëndet të mirë dhe racë të bardhë’.
1968-a njohu një konkurs Miss Black America, organizuar në shenjë rebelimi ndaj mungesës së shumëllojshmërisë, e po ashtu edhe një protestë mbështetur prirë prej grupit feminist Neë York Radical Ëomen, i cili e cilësoi këtë konkur bukurie si “një imazh që shtyp gratë në çdo hapësirë që ato synojnë të përfaqësohen.
Vetëm në 1984 kemi të parën, Miss America me ngjyrë, Vanessa Ëilliams, e cila u kurorëzua, por hoqi dorë nga titulli për një skandal fotosh lakuriq, ndjesat për të cilën i mori nga organizatorët vetëm në 2015-n. Dhe vetëm 11 gra të pakicave kanë mundur ta fitojnë këtë titull përgjatë 100 viteve.
Presidenti dhe drejtuesi i Miss America-s Shantel Krebs, thotë se ky konkurs ‘ka në fokus edhe diversitetin, barazinë dhe përfshirjen”, ndërkohë që Dunlap, Miss America me ngjyrë, këmbëngulë që konkursi duhet të jetë më i hapur për pakicat.
