Mark Zuckerberg ka deklaruar se do të mbyllë Facebookun dhe Instagramin në Evropë, për shkak të normativave ligjore që i pengojnë mbledhjen e të dhënave të aplikacioneve.
Sipas mediave botërore, kompania që aktualisht mban emrin Meta, por që të gjithë e njohim me emrin Facebook, është shprehur se nëse nuk ka mundësinë e të arkivuarit e të të përpunuarit të të dhënave përtej Atlantikut, gjasat janë që ajo t’i mbyllë këto shërbime në Evropë.
Aktulisht Meta i përpunon të dhënat e veta në Shtetet e Bashkuara dhe në Evropë, por rregullat e reja vënë prej Evropës, në përpjekje për të mbrojtur privatësinë e europianëve, kërkojnë që të dhënat e tyre të mos përpunohen përtej kufijëve të kontinentit.
Vetë Zuckerberg është shprehur se shpreson të arrijë marrëveshje të reja gjatë këtij viti ku jemi, por nëse ato nuk arrihen, ai do të jetë i detyruar t’i mbyllë shërbimet që ofron në Evropë.
Nuk kemi absolutisht asnjë dëshirë ta bëjmë këtë, është shprehu ai, por realiteti i thjeshtë është që Meta dhe shumë ndërmarrje të tjera organizative e të shërbimeve, bazohen tek të dhënat e BE dhe SHBA-ve për të menaxhuar shërbimet botërore”
Përvec Meta-s edhe kompani të tjera kanë paralajmëruar ndikimin e këtyre rregullave të BE-së, mes të cilave Siemens, SAP, Telefonica Deutschland, Allianz e GSK.
