Ka votuar qysh herët në mëngjes, i pari nga krerët e shtetit shqiptar, presidenti Meta, i cili, pas paralajmërimeve ditën e djeshme për hetime mbi ata që nuk po hetonin krimin zgjedhor në Elbasan apo mundësonin vjedhjen e votës, ka ndryshuar edhe tonet e komunikimit publik, duke i kaluar ato nga kërcënuese në ftuese.
Në fjalën e tij pas votimit, Meta ka ftuar qytetarët të votojnë pa përjashtim, duke zgjedhur jo vetëm partinë që duan, por sidomos kandidatin në listën e alternativës së preferuar.
Meta u ka sugjeruar qytetarëve të zgjedhin kandidatin më të ndershëm, më patriot, atë që do të punojë për qytetarët pa iu bindur verbërisht urdhërave të kryetarëve.