Teksa ka deklaruar se nesër deputetët e grupit socialist do të dorëzojnë zarfet e tyre me emrat e tri kandidatëve që ata mendojnë se ia vlejnë për President, deputeti i Partisë Socialiste Taulant Balla ka ftuar edhe popullin të bëjë sugjerimet e tij për një emër të mundshëm të presidentit të vendit pas largimit të Metës.
Në mbledhjen që po zhvillohet mes anëtarëve të këtij grupi, Balla tha se Presidenti ishte i popullit dhe ndaj duheshin vjelë edhe mendimet e këtij të fundit, duke u bërë kështu pjesë e valles që ka nisur me kandidaturat për president në rrjet.
Në një zarf të tillë, çdo deputet i Partisë Socialiste, përmes një formulari, do të duhet të paraqesë jo më shumë se tre emra. Gjitjashtu ne nxisim edhe popullin, që në adresën grupipsparlament.al të sugjerojë alternativat e tij, tha Balla mes të tjerave, duke theksuar se alternativa do t’i kërkohen edhe shoqërisë civile, e po ashtu edhe grupeve të tjera parlamentare, në mënyrë që prresidenti të mos jetë në produkt i kulisave, por i një konsultimi sa më të gjerë.
