Asnjë ndryshim të ekuilibrave energjikë gjatë këtyre ditëve, miq të yjeve. Planetet nuk lëvizin në ndonjë shenjë këtë javë, hiq Hënën që lind më datë 13 tek Peshqit. Shenjat më të përkrahura për javën, do të jenë ato të Ajrit, mbështetur nga Marsi tek Binjakët dhe Saturni, si dhe Jupiteri e Mërkuri tek Ujori, dhe ato të Ujit, të mbështetura nga Dielli, Venusi, Neptuni, dhe Hëna e Re tek Peshqit. Të qendrueshme shenjat e Tokës, mbështetur prej Uranit në Dem dhe Plutonit në Bricjap. Për fat të keq, ende në pritje, shenjat e Zjarrit, që vazhdojnë të mos ndriçohen akoma në mënyrë të drejtëpërdrejtë nga rrezet e ndonjë planeti.
Dashi: Kjo javë mund t’ju karakterizohet nga emocione të forta, që do t’ju nxisin t’i rishihni disa situata që lidhen me dashurinë, por edhe me marrëdhëniet miqësore.
Demi: Qielli i kësaj jave për ju është i hapur drejt suksesit. Hëna e re në shenjën mike të Peshqëve, mund t’ju hapë një derë që fsheh një surprizë të madhe.
Binjakët: Koha e pritjes merr fund për ju këtë javë. Zhbllokohen situatat e bllokuara. Hëna e re tek Peshqit dhe bashkimi i Venusit me Neptunin në pjesën tuaj të qiellit në fundjavë, mund t’ju shtyjnë drejt një konflikti mendje/zemër. Zgjedhja ju takon ju, por mos harroni se zemra ka arsyet e veta, që arsyeja nuk i njeh.
Gaforrja: Kjo javë është e tejmbushur me ndjeshmëri. Falë Hënës së re që lind tek Peshqit dhe bashkimit të përsorur Venus-Neptun, duket se etja juaj për ndjenja do përmbushet. Edhe në fushat e tjera të jetës përparimi vijon. Puna përparon me hapa të vegjël. Rezultatet nuk do vonojnë të mbërrijnë.
Luani: Marsi në shtëpinë tuaj të XI, atë që lidhet me marrëdhëniet dhe jetën sociale në përgjithësi, do të thotë frymëmarrje. Keni nevojë që vlera juaj të pasqyrohet pastër e në mënyrë pozitive. Marsi tek Binjakët e mundëson këtë, dhe ikërisht nga njohja me të rinj, do t’ju vijnë shtysa të reja për jetën profesionale. Dashuria dhe erosi në majë.
Virgjëresha: S’mund të mbjellësh një pemë e re, nëse nuk shkul të vjetrën, e si të gjitha shenjat e Tokës, edhe ju jeni të lidhur me të shkuarën, traditën. Kjo javë do t’ju ndihmojë të vini në vijë të rejat në jetën tuaj. Mbyllet një kapitull, hapet një i ri. Dashuria në fundjavë paksa e rënduar, për shkak të stuhive emocionale që mund të ndjeni. Shihni përpara.
Peshorja: Gjërat do të marrin drejtimin e duhur, edhe kur parashikimet duket se i dekurajojnë iniciativat e reja. Në dashuri, lëreni zemrën t’ju tregojë rrugën.
Akrepi: Hëna e re ju favorizon takimet e njohjet e reja. Bashkimi Venus-Mërkurë më 14 në shenjën e Peshqëve, do ju bëjë të shihni thellë brenda vetes. Zemra do t’ju tregojë se çfarë doni në të vërtetë dhe çfarë nuk jeni më të aftë të toleroni.
Shigjetari: Më ketë qiell që keni këtë javë, një kamomil nuk do t’ju bënte keq. Këshilla është të pushoni. Qysh javës që vjen, tensionet nisin e bien.
Bricjapi: Pritjet mbaruan. Hëna e re tek Peshqit ju favorizon fitimet dhe hyrjen e të ardhurave. Në dashuri, shijojeni deri në fund këtë Venus kaq të ëmbël e sensual, që ju përkëdhel nga shenja e Peshqëve. Të dielën, ylli i dashurisë bashkohet me Neptunin dhe ju ofron një mundësi unike për t’u bërë njësh me njeriun që doni.
Ujori: Edhe këtë javë në fakt, planeti i vetëm që ju ndriçon është ai i Uranit, – yllit të inovacionit – në kuadraturë nga shenja e Demit. Për fat, do reagoni shumë më qetë ndaj kundërvënieve planetare, për shkak se nuk e kini më Marsin që t’ju bëjë nervoz. Mos u tregoni dorështrënguar në dashuri. Kapni portofolin, dhe tregojini sa për zemër e kini atë që doni.
Peshqit: Jeni protagonistët e javës. Hëna e plotë do të rilindë pikërisht në shtëpinë tuaj, e një ditë më pas Venusi, ylli i dashurisë, do takojë Neptunin. Nuk do habitesha, nëse shumë prej jush do viheshin në kontakt me vetëdijen e tyre, gjë që do t’ju bënte të shihnit si zgjidhjet në anën praktike, ashtu edhe në atë dashurore.
