Pas ndryshimeve të mëdha të javës që shkoi, qielli pushon për pak. Bëhet fjalë për një pushim krijues, ku Hëna në rritje, bën gati rrugën për ndryshimet e fundit të rëndësishme, për javët në vijim.
Shumë të favorizuar këtë javë janë shenjat e Ujit, që mbështeten nga Mërkuri dhe Venusi në Akrep, në trekëndësh me Neptunin tek Peshqit, i cili, pikërisht në fund të javës, kthehet në të drejtë.
Në vend të dytë, sa i takon forcës së energjisë, gjejmë shenjat e Zjarrit, fuqizuar prej Marsit në Dash dhe Diellit në Shigjetar.
Të qëndrueshëm, por dhe cazë të lodhur, gjejmë shenjat e Tokës, që mbështeten fuqishëm nga energjitë e fuqishme të Uranit (në retrogradë) tek Demi dhe nga ato të Saturn-Pluton-Neptunit në Bricjap.
Si pezull, në pritje të ardhjes së energjisë, që vjen në mes të dhjetorit, gjenden shenjat e Ajrit, për momentin të pa mbështetura nga asnjë planet.
DASHI
Tani nuk keni pse qaheni miq! Më në fund, tërë energjia që prisnit, erdhi: Marsi lëviz në mënyrë të drejtë në shenjën tuaj, i mbështetur prej Diellit që shkëlqen në trekëndësh me shenjën mike të Shigjetarit. Përveç energjive, përgjatë kësaj jave, do t’ju zhbllokohet edhe pasioni: Venusi më në fund ka dalë nga shenja e kundërt e Peshores, dhe ky për ju është lajm i madh. Ju kërkohet dhe pak durim sa i përket punës dhe punëve në përgjithësi: treshja Saturn-Jupiter-Pluton, vazhdon t’ju vërë shkopinj nën rrota, nga kuadrati në shenjën e Bricjapit. Sidoqoftë, treshja “dashakeqe” i ka javët e numëruara, dhe mjaft shpejt do çliroheni tërësisht prej ndikimit të saj.
DEMI
Një forcë e parehatshme që ikën tutje dhe një tjetër që i zë vendin! Është e kotë Dema të dashur, nëntori do jetë, si çdo vit, një muaj tejet i tensionuar. Që prej kësaj jave në fakt, nuk do ta kini më Diellin në Akrep që t’ju japë atë fijen e dritës, por në të kundërt, në të njëjtën shenjë, do keni Venusin, një planet që, kur ndodhet në të kundërt, jep tejet bezdi. Kështu, në dashuri situata duhet marrë me shumë kujdes. Kujdes me fjalët, sepse me Mërkurin jo dhe aq rehat pranë Venusit, keqkuptimi është përherë në këmbëz.
Ky është momenti për të mos bërë lëvizje. Energjinë vazhdoni ta përqendroni tek puna. Saturni-Jupiteri dhe Plutoni, pozitivë nga shenja e Bricjapit, vazhdojnë t’ua shtrojnë udhën, ndërkohë që Urani ju jep ide inovative e fitimtare.
BINJAKËT
Nëse ka një gjendje shpirtërore që ka qenë e vazhdueshme për ju të lindurit në shenjën e Ajrit gjatë 2020-s, është pikërisht ndjesia e të ndjerit bosh, e të qenit pezull. Epo, Binjakë të shtrenjtë që jeni të parët nga shenjat e Ajrit, këtyre ditëve do rroni të fundit e këtyre ndjesive. E themi edhe njëherë që, në fakt, qielli juaj s’mbështetet drejtpërsëdrejti nga asnjë planet i sistemit tonë. Lëvizjet duket se kanë ndalur sërish në të tëra fushat e jetës suaj, ndërkohë që keni më shumë dëshirë se kurrë të bëni përpara, të konkretizoni, të hapni horizonte.
Në këtë periudhë kaq të veçantë, keni vetëm një aleat të madh në anën tuaj: bëhet fjalë për Marsin, 60 gradë nga shenja e Dashi, që ju nxit të rezistoni. Suksesi është pranë, edhe pse nuk arrini ta shquani ende në horizont
GAFORRJA
Venusi më në fund u largua… madje, ka më: nga armike e betuar, është kthyer në mikeshë besnike. Një shenjë e ndjeshme dhe e thellë si e juaja, me siguri do ta ndjejë ndyshimin e atmosferës, nisur nga e shtuna, dt. 21. Me planetin e pasionit në anën tuaj, që shkon krah për krah me Mërkurin e shndritshëm në territorin e Akrepit mik, tani, pak po e sigurt, kini më tepër shigjeta në harkun tuaj. Betejat nuk kanë mbaruar, por me patjetër ka mbaruar koha kur luftonit të vetëm ndaj të gjithëve e ndaj gjithçkaje. Dashuria kthehet t’ju buzëqeshë dhe bashkimi me njeriun e zemrës në veçanti, e me njerëzit më të shtrenjtë në përgjithësi, do t’ju ndihmojë të rezistoni edhe në fushat e tjera të jetës suaj, mbi në gjitha në atë të punës, e cila vazhdon të ndjejë pengesa të mëdha, shkaktuar nga kundërvënia e trefishtë planetare Saturn-Jupiter–Pluton nga shenja e Binjakëve. Por, së shpejti, edhe kjo pengesë do ikë.
LUANI
Dëshira për të reaguar është e madhe, por nga ana tjetër, me Diellin dhe Marsin, – të dy në veprim – dhe në trekëndësh nga shenjat e Zjarrit, s’mund të qe ndryshe për ju, Luanë të shtrenjtë. Por qielli ju fton të bëni kujdes, sepse në këtë moment, Mërkuri dhe Venusi në kuadrat nga shenja e Akrepit, me siguri nuk ju ndihmojnë. Këshilla është të numëroni deri në dhjetë, përpara se t’i përgjigjeni ndonjë provokimi dhe t’i vlerësoni mirë pro-të e kundrat. Kjo sidomos në dashuri, meqë, ylli i pasionit në këtë çast është tranzit. Tjetër këshillë që ju jep qielli, është të mos kaloni direkte në përfundime: Mërkuri dyshimtar ua pëzien letrat në tavolinë dhe ua bën goxha konfuz komunikimin. Lajmi i mirë është që si Mërkuri, si Venusi, janë planete të shpejta, ndaj durimi që ju kërkohet të bëni, s’është për një kohë të gjatë. Mjaft shpejt, do mund t’i hiqni ca guralec nga këpuca, pa rrezikuar gjë.
VIRGJËRESHA
Energjitë në favorin tuaj janë të shumta. Përtej mbështetjes së pakushtëzuar të treshes Saturn-Jupiter-Pluton nga shenja e Bricjapit, dhe asaj të Uranit nga shenja mike e Demit, nga fundi i javës keni në favorin tuaj edhe Venusin dhe Mërkurin, në sekstil nga shenja e Akrepit. Pavarësisht këtyre, nuk është habi nëse shumë prej të lindurëve në këtë pjesë të qiellit, do ndihen paksa të lodhur, e disi melankolikë. Faji është i Diellit dhe kalimit të tij të përvitshëm në shenjën jo dhe aq të rehatshme të Shigjetarit. Kur ylli ynë kryesor kalon në këtë pjesë të qiellit, ndikon të lindurit në shenjën tuaj, duke ua hequr durimin. Neptuni pastaj, në kundërshti nga shenja e Peshqëve, ju ngarkon edhe më tepër, duke ju bërë pesimistë e konfuzë. Këshilla në këtë pikë, është ajo e të mos marrit shumë parasysh të gjendjes shpirtërore. Padurimit përgjigjiuni me rezistencë dhe pesimizimit me besim, në një Univers që punon përherë për ndërtimin e një të mire më të madhe!
