Një histori e trishtë ka pushtuar ditën e sotme Klosin, ku një 17 vjecar (Kenado Shira) me të atin, janë qëlluar për vdekje prej një breshërie plumbash, buzë një lokali.
Për disa orë me radhe, motivet e krimit kanë qenë të paditura, aq sa në media u përfol për një vrasje rastësore mes tyre. Në fakt, ai që i kishte goditu at e bir, ishte 39 vjecari Fiqiri Mjeshtri, i cili nga sa raportohet është gjendur i vrarë.
Në një deklaratë për mediat drejtori i Policisë Dibër Dhimitraq Ziu, ka bërë me dije se e tëra ka ardhur për hir të hasmërisë, mes dy fiseve në Klos, e se Shirat qene goditur gabimisht.
“Siç jeni në dijeni, sot në orën 14:15 minuta në qytetin e bashkisë Klos ka ndodhur një ngjarje e rëndë, një vrasje, ku është vrarë shtetasi Ilir Shira dhe Kenad Shira, janë plagosur Renato Hasula dhe Englantin Hasula. Të plagosurit janë nisur në Tiranë. Sipas informacionit policor autorët u vunë në ndjekje, dhe u bë e mundur kapja e 3 personave, Fiqiri Mjeshtri, Fatmir Mjeshtri dhe Besnik Mjeshtri. Theksoj se Fiqiri Mjeshtri ka ndërruar jetë, është vetëvrarë. Policia në bashkëpunim me prokurorinë, që udhëheq hetimet po vazhdon me zbatimin me korrektësi për procedurat ligjore dhe për zbardhjen e ngjarjes. Për të tjera sqarime do t’ju bëjmë me dije më vonë”, ka deklaruar Ziu.
Ndërkaq, një tjetër aludim i cili qarkullon në media, është se vajza e 39 vjevajza e të cilit, nga sa bëjnë të ditur burimet në vend, kishte rënë në dashuri me shtatëmbëdhjetë vjecarin, të cilin Fiqiriu nuk e pelqente. Nga sa përflitet, dy baballarët bashkë me djalin e kishin lënë të takoheshin, por i ati i vajzës nuk e ka përballuar dot takimin, duke shtënë dhe lënë të vdekur atë e bir, e më pas edhe mbi veten.
