Gjatë shpalljes së vendimeve të qeverisë ditën e sotme, kreu i saj Edi Rama ka bërë me dije se qeveria që ai drejton, do të ndërmarrë një sërë masash nisur prej vrasjes së 14 vjeçarit Martin Cami nga bashkëmoshatari i tij në prag të .shkollës “Fan Noli” ku dy adoleshentët mësonin
Nga sa deklaroi Rama, një prej alternativave për të shmangur një një farë mënyrë këtë agresivitet tek të rinjtë e adoleshentët, është mbyllja përfundimtare e platformave Tik-Tok dhe SnapChat, të cilat, në në gjykimin e tij po krijojnë një sërë problematikash mes të rinjve, duke i ekspozuar ata si ndaj dhunës, ashtu edhe ndaj çrregullimeve mendore.
Ne si qeveri jemi angazhuar prej kohësh në hulumtimin e kësaj problematike, tha Rama, duke ndjekur hap pas hapi se ëfarë bëjnë vendet e tjera, por edhe në kërkimin e zgjedhjeve të mundshme për ta ulur këtë presion gjithnjë e më të frikshëm. Faktikisht janë marrë iniciativa të ngjashme që nga Astralia, ku aktualish po tentohet ndalimi nga rrjetet sociale i tërë fëmijëve deri në 16 vjec, deri tek Franca e cila po diskuton si kusht aprovimin e prindërve për hapjen e një llogarie onlajn të fëmijëve nën 15 vjec, apo Spanja, ku deri 14 vjec u ndalua që fëmijët të mos hapnin llogari onlajn, dhe së fundmi ky kufi është rritur në 16 vjec. Dilema jonë si qeveri është nëse duhet të provojmë edhe ne të ecim në drejtim të vendosjes së filtrave, kur në fakt nga tërë eksperiencat e tanishme në Evropë dhe përtej Evropës, mësojmë se efektiviteti i tyre është ende shumë i ulët, ndërkohë që stimujt e dhunës dhe rastet të bullizmit në botën onlajn të fëmijëve dhe adoleshentëve vetëm rriten, apo të ndërmarrim një masë drastike për mbylljen e plotë të TIk-Tok-ut apo SnapChatit në republikën e Shqipërisë. kemi vendosur që këtë dilemë ta hedhim pr një diskutim të gjerë në të gjitha shkollat, nën drejtimin e Ministrisë së Arsimit, për të marrë një vendim sa më demokratik, për një problem kaq të madh, por e përsëris kaq kompleks dhe në zgjidhjen e vet.
