Ka reaguar më në fund kryeministri i vendit Edi Rama, pas situatës së tensionuar në kryeqytet, për vrasjen e djaloshit 25 vjeçar Klodian Rasha, mëngjesin e 8 dhjetorit 2020.
Sot në 18.00 do të ndaj me shqiptarët qëndrimin tim për vdekjen tragjike të 25 vjeçarit nga efektivi i Policisë së Shtetit! Faleminderit paraprakisht kujtdo që do të gjejë kohën të më ndjekë në tv apo në këtë faqe. shkruan kryeministri në fejsbukun e tij.
Kujtojmë që shoqëria civile ka reaguar ndjeshëm ndaj kësaj ngjarjeje dhe ka protestuar deri vonë mbrëmë përpara institucioneve, në gjykimin e tyre përgjegjëse për vrasjen e djaloshit, duke kërkuar dorëheqjen e menjëherëshme të ministrit Sandër Lleshaj. Nuk dihet nëse kryeministri do ta marrë parasysh kërkesën e tyre. Ajo që dihet, është që nuk është hera e parë që shoqëria civile e adrson një kërkesë të tillë për ministrin Lleshaj.
