Është zbardhur dëshmia e parë e të një prej të akuzuarëve për vrasjen me thikë të 20 vjecarit Stiven Toshkëzi në afërsi të banesës së vet, pranë shkollës Partizano
Nga sa raportojnë mediat në vend, burime të caktuara nga grupi hetimor i ngjarjes, kanë deklaruar se njëri prej dy djemëve rënë në prangat e policisë pak orë pas ngjarjes, Ensi Maze, është shprehur përpara oficerëve të policisë gjyqësore, se nuk ka lidhje të drejtpërdrejtë me viktimën, e se në dijeni të konfliktit ishte vënë prej shokut të tij, Aksel Hoxhaj, i cili ende ndodhet ne arrati.
Mes të tjerave i riu Maze ka deklaruar se kishte pak ditë i kthyer nga Holanda ku edhe studion, e se është vënë në djeni të konfliktit që viktima ka pasur me shokun e tij, Aksel Hoxhajn, vetëm pasi kishte takuar këtë të fundit.
Nga sa deklaron Maze, Hoxhaj i kishte rrëfyer se Toshkëzi e kishte rrahur, dhe se motivi i konfliktit të tyre ka qenë një vajzë të cilën Hoxhaj e kishte në klasë dhe e pëlqente, ndërkohë që ajo kishte një marrëdhënie me viktimën. Maze ka deklaruar se në momentin e konfliktit është përpjekur t’i ndajë, por situata është rënduar për shkak se viktima ka pretenduar se Aksel Hoxha e shqetësonte vazhdimisht të dashurën e tij.
Maze është shprehur edhe se me mikun e tij e kishin lënë të takoheshin me viktimën, por pa lënë një datë fikse.
Për natën e ngjarjes kur i kishin zënë pritë Toshkëzit, Maze deklaron se kishte shkuar me shokun vetëm për t’u sqaruar.
I riu Toshkëzi u godit me thikë teksa kthehej nga puna, pranë banesës së tij në afërsi të shkollës Partizani, ku jetonte me prindërit dhe të motrën.
