Kanë marrë një sërë vendimesh liderat botërorë mbledhur në Romë në samitin e G20-s.
Në dokumentin e publikuar në faqen zyrtare të këtij samiti, spikasin kryesisht vendime që kanë të bëjnë me ngrohjen globale, ndotjen e mjedisit, pandeminë dhe vaksinimin, e po ashtu edhe ekonominë globale.
Sa i takon ngrohjes globale, liderat botërorë ranë dakord që ajo të qe deri në 1.5 gradë maksimumi, duke premtuar gjithashtu përpjekje për ta shpënë emetimin e karbonit në 0% brenda 2050-s.
Sa i takon vaksinimit dhe pandemisë, një tjetër vendim mbi të cilin u ra dakord, qe edhe vaksinimi i 40 % të popullësisë botërore deri ne fund të 2021, për të mbërritur në 70% të sajën në fund të 2022-it.
Ndërprerja e financimeve publike për prodhimin e karbonit brenda 2021-it, qe një tjetër vendim i përbashkët i këtij Samiti, e po ashtu edhe nxitja e financimeve publike ose private që mbështesin prodhimin e energjisë së gjelbër.
100 miliardë dollarë për vendet e pazhvilluara që eksperimentojnë sidomos mbi impaktin që ka ndryshimi klimaterik e po ashtu edhe mundësitë pë një emigracion brenda rregullave, qenë disa nga pikat e tjera për të cilat u ra dakord në këtë Samit, i cili nuk ja jashtë diskutimit ekonominë globale, nevojën për një ringritje të saj, e po ashtu edhe te grupeve më të rrezikuara nga pandemia dhe kriza e shkaktuar prej saj.
