Ka vazhduar me komentet pas përplasjes së demokratëve kreu i qeverisë Rama, i cili, në një status të vetin i fton demokratët t’i braktisin Bashën dhe Berishën e t’i bashkohen atij, e t’i lënë “humbësin kronik të selisë blu” dhe “personazhin pa seli të listës së zezë”, të venë në fatet e parashkruara.
Epo pikë e zezë, shkruan Rama në statusin e tij, ai punon për Ramën thotë njëri ai bën punën e Ramës thotë tjetri…Besomëni, kur i shoh këto dy kufoma politike që luajnë kështjellash në mes të Tiranës dhe fajësojnë njëra-tjetrën se kush është shërbëtori im, më vjen t’u lëshoj demokratëve një kushtrim të megjithëzemërt: Ejani t’i japim ç’mundemi Shqipërisë, të bashkuar si shqiptarë, si qytetarë, si njerëz! Lërini në fatet e parashkruara humbësin kronik të selisë blu dhe personazhin pa seli të listës së zezë, të cilët kur i sheh se çfarë marrëzish bëjnë e thonë të kujtojnë, që të dy, fjalët e Xhokerit, “Skam asgjë për të humbur. Asgjë s’më dhemb dot më. Tashmë jeta ime është thjesht një komedi”…Varuni more teneqet që të dyve këtyre 🤡🤡
